Burela, 22 de abril de 2019. O concelleiro de Turismo, Ramiro Fernández Rey, fixo un balance moi positivo da Semana Santa. A ocupación hoteleira foi do 100%, as rutas xeolóxicas foron un éxito e as visitas ao barco museo Reina del Carmen incrementáronse nun 40%.
O edil burelés manifestou que “desde a Delegación de Turismo do Concello de Burela queremos facer unha valoración do que foi esta Semana Santa e temos que dicir que o balance é máis que positivo. Seguimos observando que Burela segue a medrar turisticamente. O traballo que levamos feito nestes catro anos está dando os seus resultados e os datos así o demostran. Os actos relixiosos cada vez están tendo máis afluencia de xente e teño que felicitar á organización da Semana Santa por todo o traballo que levan feito durante todo este tempo para ir consolidando e ampliando a oferta da Semana Santa de Burela, e quero reiterar a miña felicitación a toda a organización”.
Fernández Rey subliñou que “en canto aos datos hoteleiros, estamos moi satisfeitos tamén. Estivemos roldando o 100% de ocupación durante todos os días da Semana Santa, co cal cremos que é un dato moi positivo. As rutas xeolóxicas temos que salientar, o que vimos dicindo reiteradamente, que son un auténtico éxito. Conseguimos un 100% de ocupación das rutas, co cal a satisfacción é enorme e seguiremos apostando por elas. Outro recurso turístico que temos, que é un dos máis importantes cos que contamos en Burela, como é o barco museo Reina del Carmen, temos que dicir que tivemos un aumento de afluencia dun 40% respecto ao ano pasado, estamos falando dun incremento moi importante”.
O concelleiro de Turismo felicita “a todo o equipo que conformamos a Concellería de Turismo e animalos a seguir traballando así. Os datos demostran que Burela cada día vaise consolidando un pouquiño máis cunha oferta turística interesante e a xente así o está apreciando”.
A concellería de Turismo de Burela fai un balance moi positivo da Semana Santa e salienta que a ocupación hoteleira roldou o 100%
Relacionado
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
