Foz, 8 de maio de 2019. O Partido Popular de Foz celebrará esta tarde a presentación da súa candidatura para próximas eleccións municipais do día 26. O acto dará comezo ás 20:30 horas e terá lugar na praza de confluencia entre a Avenida da Mariña e a rúa Álvaro Cunqueiro. Será un acto aberto ao público, moderno, con música e cunha breve intervención do candidato á reelección como alcalde de Foz, Javier Jorge Castiñeira.
Javier Castiñeira explica que “é unha candidatura compensada entre a experiencia dos membros do actual grupo municipal de goberno do Concello de Foz, máis a renovación con persoas para as que será a súa primeira experiencia política, entre elas os cinco independentes que van tratar de abrir o espectro político da candidatura, centrado especialmente nas persoas de Foz e das súas parroquias. Somos en total 18 veciños do municipio de Foz, 9 mulleres e 9 homes, cun proxecto común, integrador e plural, avalado pola xestión destes oito últimos anos de goberno, pero con novas ideas e intentando mellorar o proxecto xa feito. Ademais de Pedro Manín, que irá de número 2; Antonio Hermida, de número 4; e Ánxel Paleo, de número 7; únense cinco independentes, que xa foron presentados. Trátase de Laura Riveira, que vai de número 3; Conchi López. de número 6; Iago Rivas, de número 11; Rocío Basanta, de número 13; e Miguel Gómez, de número 14. Serán novidade tamén Verónica Soto, de número 5 por Foz; Juan Rivas, tamén por Foz, de número 8; Roberto Fernández, representando a Novas Xeracións, de número 9; Loli López, por San Martiño, de número 10; Elena Estoa, de número 12, por San Acisclo; Rebeca Meira, de número 15, por Foz; Víctor Martínez, de número 16, reforzando Santa Cilla; Mari Fe López, de número 17, por Foz; e Fernanda Pérez, de 18, reserva, tamén por Foz. É unha candidatura aberta e moi representativa do que é o noso concello, de homes e mulleres con moita ilusión que seguramente aportarán moitísimo nestes próximos catro anos”.
Sobre o acto desta tarde Castiñeira comenta que “será nunha praza do centro urbano recentemente remodelado, que é significativo precisamente porque se parece ao que nosoutros queremos do Partido Popular, esa renovación. Será un acto aberto, moderno, con música, onde se fará unha foto de grupo e onde se pronunciarán unhas palabras explicando os motivos desta candidatura que chega con moitísima ilusión e ganas de seguir mellorando Foz”.
O Partido Popular de Foz celebrará este mércores a presentación da súa candidatura para próximas eleccións municipais
Relacionado
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
