Ribadeo, 11 maio, 2019. A candidatura do Partido Popular de Ribadeo, que encabeza Daniel Vega, presentou hoxe a campaña para as eleccións municipais do día 26. Será de proximidade, con actos para os veciños en todas as parroquias e na vila, e tamén haberá encontros sectoriais.
Daniel Vega explicou que a do PP ribadense é unha campaña electoral “de proximidade, polo que vamos presentar o noso proxecto casa a casa, persoa a persoa, para trasladarlles aos veciños deste concello que temos un equipo disposto a traballar por Ribadeo. Imos realizar actos entre o rural e a vila, pero sen esquecerse de ninguén. Temos que falar de Ribadeo en conxunto e iso significa potenciar a vila, pero tamén o noso rural. Imos presentar un programa electoral serio, crible e realizable. Vamos falar de temas moi importantes nestas eleccións, como os asuntos sociais, que deben ser de proximidade, para o que hai que acercalos tamén ao rural. Temos que falar de economía, de emprego e, sen lugar a dúbidas, hai que poñer no discurso desta campaña os portos, tanto o de Mirasol como o deportivo; o comercio, para seguir potenciándoo; e tamén hai que falar do polígono industrial, porque se abrimos as portas a que distintas empresas veñan e se sitúen no polígono industrial de Ribadeo sen lugar a dúbidas vamos falar de máis e mellor emprego, co que se favorecería a economía de Ribadeo”.
O alcaldable popular engadiu: “temos que falar de cultura, tanto de actividades como de espazos para favorecer a cultura no noso pobo. En breves presentaremos algo moi importante para Ribadeo neste campo. Pero temos que falar tamén das entidades asociativas: culturais, deportivas, as asociacións de veciños, por iso vamos facer un acto moi importante en Ribadeo para explicarlles cal é o noso proxecto para os próximos anos”.
Vega anunciou que nesta campaña electoral falarán tamén da hostalería, que “foi abandonada e maltratada por parte do goberno do Suárez e do BNG. Pero nós nunca lle vamos dar as costas a este sector e no programa electoral levamos distintas medidas, vamos realizar un acto no que lles explicaremos un programa propio para a hostalería, que foi consensuado co propio sector”.
O candidato do PP en Ribadeo adiantou ademais: “vamos potenciar a economía do rural e traballar decididamente para asentar poboación no rural, para o que temos que falar de rebaixas de impostos, favorecer que as persoas compren vivenda no rural e tamén asentar proxectos empresariais”.
Daniel Vega rematou comentando que a dos populares ribadenses será unha campaña electoral “seria, responsable, sen insultos, sen ataques aos outros partidos políticos, cun discurso para lanzar propostas en positivo e que teñan como vocación favorecer Ribadeo. Para o Partido Popular esta campaña significa moito porque Ribadeo é o único que importa”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
