Cervo, 13 de maio de 2019. O BNG de Cervo presentou a súa candidatura para as próximas eleccións municipais na tardiña do pasado venres 10 de maio, nun acto celebrado na Pousada O Almacén, en Cervo. A lista intégrana un total de once titulares e cinco suplentes, todas elas persoas moi vinculadas co Concello e comprometidas coas melloras colectivas. Encabeza a lista Diego Fernández Martínez, de Lieiro, que define a súa candidatura como “un equipo cheo de ilusión e de paixón por Cervo, co propósito de sacar ao Concello da inercia e das políticas improdutivas de reparto de favores e compra de vontades que leva sendo desde hai máis de vinte anos os gobernos do PP”.
Aos seus 32 anos, o candidato á alcaldía Diego Fernández conta xa cunha dilatada experiencia no ámbito social e laboral, implicado na defensa dos dereitos dos traballadores e traballadoras como presidente do comité de empresa no seu centro de traballo. Triatleta voluntarioso e moi vinculado ao deporte de base no concello, sabe da necesidade do esforzo diario para acadar os obxectivos. Fernández afirma estar convencido de que “é imprescindible un cambio de goberno municipal para que remate a sangría demográfica e que a xuventude non teña que abandonar Cervo para poder vivir”. Asegura que “só un concello moderno, que abandone o clientelismo para crear riqueza, pode evitar a perda de poboación, a fuga forzada da xeración máis nova e mellor preparada da historia”. Para o candidato nacionalista “Cervo merece uns gobernantes con ilusión, que defendan a ecoloxía, o repartimento igualitario da riqueza, o fomento de actividades económicas alternativas e innovadoras, que apoien a cultura de calidade, que rematen dunha vez coa política empobrecedora que se limita a repartir subvencións e prebendas”, concluíu Fernández asegurando que “é evidente que Cervo leva anos quedando atrás e perdendo o tren da modernidade e do desenvolvemento”.
O número 2 da candidatura, Xorxe Caldeiro, é veterano activista sindical e polo tanto coñecedor dos mecanismos que melloran a sociedade a través da equidade social. Para Caldeiro, “a candidatura do BNG de Cervo agrupa a persoas que xa demostraron no seu entorno a súa capacidade de transformación e de defensa dos dereitos e bens colectivos, única maneira de xerar riqueza para todos e todas”. A lista combina xuventude e veteranía, e tamén reflicte a realidade que padece o concello e o conxunto de Galiza, que obriga á marcha forzada fóra do lugar de orixe para poder gañarse a vida de maneira digna. O “exilio” cervense está representado na candidatura nacionalista porque só as políticas que defende o BNG poden reverter esta sangría empobrecedora.
A candidatura complétase cos e coas seguintes cervenses cun claro compromiso co concello: Carmiña Ventoso, audióloga da Atalaia do Porto de Arriba, Ibán Sánchez, actual concelleiro e traballador de Alcoa, Mariló Castro de San Cibrao e Xaquín Pérez Pernas de Cervo, presidenta e presidente dos respectivos comités das empresas nas que traballan grazas ao apoio maioritario dos seus compañeiros e compañeiras; Tareixa Lorenzo, de San Cibrao, traballadora de Correos en Foz; David Villares de San Cibrao, emigrado forzosamente, actualmente é profesor en Pontevedra, onde comproba diariamente os beneficios dun goberno municipal do BNG; Olga Castro, feminista de Cervo, xornalista, tradutora, investigadora recoñecida a nivel internacional, obrigada a emigrar polas políticas que levan asolando moitos anos este país e que regresa a Cervo cada vez que as súas ocupacións llo permiten; Pablo Lourenzo, de San Cibrao, traballador no Parlamento Europeo; Rosa Otero da Senra, ex traballadora de Sargadelos e histórica militante nacionalista. A lista de suplentes encabézaa Sindo Folgueira, de Cuíña, xubilado que representa a firmeza na defensa duns ideais igualitarios desde hai moitos anos; María Xosé Prado de Cervo, ex traballadora e activista sindical na fábrica de Sargadelos; Samuel Pazos “Álamo”, xente nova de Sargadelos, filólogo, traballador da construción e apegado á terra; María Fernández Rei, de San Cibrao, filóloga que tamén se viu obrigada a emigrar para atopar traballo; e pecha Ramón Luís Bernardo, de Figuerido, ex concelleiro, activista e dinamizador de actividades deportivas e culturais.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
