Ribadeo, 13 de maio de 2019. O alcalde, Fernando Suárez, fai un balance moi positivo da primeira fin de semana do XIV Ribadeo de Tapeo, que deu comezo o pasado sábado, e no que participan 45 locais hostaleiros ata o vindeiro 19 de maio.
O rexedor dixo que “desde o Concello de Ribadeo temos que valorar moi positivamente o inicio desta nova edición de Ribadeo de Tapeo. A verdade é que o tempo acompaña e iso beneficia a que todo o mundo saia máis e consuma un pouco máis nos 45 establecementos que están inscritos nesta nova edición”.
Fernando Suárez manifestou que “ademais hai que valorar todas as actividades que paralela e complementariamente se están planificando e programando ao longo da semana como a gastroxincana, que aínda está o prazo aberto para anotarse. Tamén hai o concerto da Banda Municipal de Ribadeo e o domingo que ven haberá unha sesión vermú na Praza de Abastos”.
O alcalde engadiu que “todo o mundo pode descargar a app que temos deseñada, tanto para móbiles android como para iphone, para que poidan ver os locais, os horarios, o tipo de tapas, etc… Hai tapas, como estes últimos anos, para celíacos e para vexetarianos, incluso hai tapas elaboradas con produtos locais. Para máis información é boa idea consultar a nova web que temos tapeo.ribadeo.gal, onde tamén aparecen todas as actividades que hai, para que todo o mundo de Ribadeo e dos concellos da contorna, tanto da Mariña como do Occidente asturiano, non deixen de vir a Ribadeo a probar as tapas desta nova edición de Ribadeo de Tapeo”.
Fernando Suárez valora positivamente o inicio de Ribadeo de Tapeo, que se prolongará ata o 19 de maio en 45 locais hostaleiros
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
