A Pontenova, 15 de xuño de 2019.- O Alcalde da Pontenova e Presidente da Deputación en funcións, Darío Campos Conde, tomou este sábado posesión como rexedor do Concello tras acadar a maioría absoluta nas Eleccións Municipais. O PSOE da Pontenova obtivo o 72% dos votos, máis de 1.000 escanos, logrando 8 dos 11 Concelleiros que forman a corporación municipal e mellorando os resultados dos pasados comicios.
Campos Conde agradeceu “o amplo apoio dos veciños” e subliñou que “isto énchenos de confianza para seguir traballando e mellorando a calidade de vida dos pontenoveses. Formamos un equipo de Goberno cunha implicación incuestionable, que se implica no día a día dos pontenoveses para coñecer a realidade da xente e, deste xeito, atenden rapidamente as necesidades que nos demandan. Iso soubérono valorar os cidadáns, amosando a súa confianza no PSOE nas urnas, e nós imos seguir traballando para seguir respondendo ante eles”.
O Alcalde convidou á oposición a deixar de lado as discusións estériles e poñerse a traballar de verdade pola Pontenova, aportando ideas e iniciativas aos plenos.
“Neste novo mandato o noso principal obxectivo é abrir e poñer en marcha a residencia e centro de día para que os nosos maiores teñan unha prestación fundamental no seu Concello, ao carón das súas familias. Durante estes 4 anos iniciamos os trámites necesarios para a súa construción coa adquisición e escritura dos terreos e agardamos iniciar as obras o antes posible”. O Alcalde da Pontenova tamén salientou o proxecto da tirolina de 330 metros que unirá a antiga mina co forno de Boulloso, así como seguir mellorando as prestacións públicas das parroquias do rural.
O Alcalde da Pontenova estará arroupado no Goberno Municipal polos Concelleiros do PSOE, Isabel Couto González, Francisco Martínez Bermúdez, Manuel Alonso López, Francisco Javier Rois Freijo, Jesús Cabodevila Fernández, Ana Belén Quintela López e Tomás Meilán Saavedra.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
