A Mariña, 20 de xuño de 2019. A Mancomunidade de Concellos da Mariña celebrará o vindeiro 26 de xuño unha xuntanza da comisión de contas para facer balance do ano. O presidente, Alfredo Llano, destaca a cantidade de actividades que se están a realizar como o plan de emprego, a formación, as rutas de artesanía ou programa Catuxa, entre outras.
Llano anunciou que “o próximo 26 de xuño temos convocada unha comisión especial de contas da Mancomunidade. Nesta comisión estamos soamente os representantes dos Concellos que normalmente somos os alcaldes, aínda que nalgún caso pode vir outro representante”.
O presidente da Mancomunidade de Concellos da Mariña explicou que “imos tratar o estado das contas, dos gastos e os ingresos, a estas alturas. Este ano estamos tendo un orzamento extraordinario con respecto a outros anos, que rolda os 600.000 euros e ven derivado da cantidade de actividades que se están levando adiante na Mancomunidade. Por un lado as subvencións para contedores, por outro o plan integrado de emprego que se está levando perfectamente, e tamén o gasto que deriva doutras aplicacións que se están facendo estes días como a formación para a hostalería e as guías dos artesáns, ademais doutros para mellora de servizos e tratamento de turismo”.
Alfredo Llano salientou que “outra cousa que remata estes días, ademais cun éxito importante e moita participación, é o programa Catuxa. Este foi un premio do Plan Coopera da Xunta que tivo moita actividade. É interesante o que se fixo porque nos dá pé a volver solicitalo posiblemente para o ano que ven. Nesta comisión imos tratar o apartado dos gastos, pero tamén outras cousas que temos pendentes na Mancomunidade. Entre todos chegaremos a un acordo para deixar todo listo para a seguinte lexislatura”.
A Mancomunidade de Concellos da Mariña celebrará o vindeiro 26 de xuño unha xuntanza da comisión de contas para facer balance do ano
Relacionado
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
