Nota de Prensa
Balseiro Orol interpreta que o rexeitamento das máis de 20 propostas presentadas polos populares deixa en evidencia a socialistas e nacionalistas, que só se acordan da comarca cando hai eleccións
NOVA LABAZADA DA XUNTA AOS VECIÑOS DA MARIÑA, AO REXEITAR AS PROPOSTAS FORMULADAS POLO PPdeG NO DEBATE SOBRE O ESTADO DA AUTONOMÍA
* O deputado mariñán do PPdeG advirte que non da por perdidas as súas propostas e adianta que as reconverterá en emendas no trámite parlamentario dos Orzamentos da Xunta para 2009
A Mariña, 15 de setembro de 2008.- O deputado autonómico do PPdeG, Jose Manuel Balseiro Orol, considera que a decisión de PSOE e BNG de rexeitar todas e cada unha das demandas referidas ás comarcas da Mariña lucense e recollidas nas propostas de resolución presentadas polo Grupo Popular no Debate sobre o Estado da Autonomía supón unha “nova labazada da Xunta aos veciños da nosa bisbarra”.
Para o deputado popular, o rexeitamento destas demandas revela que PSOE e BNG só se acordan dos veciños da Mariña en época electoral mentres lles dan as costas durante o resto do tempo. Con todo, Balseiro Orol apunta que non vai deixar de seguir reclamando a atención da Xunta ata que sexan corrixidas as principais carencias desta zona e xa adianta que as vai reformular para convertelas en emendas que defenderá durante o trámite parlamentario dos Presupostos Xerais da Comunidade Autónoma para o ano 2009, que se iniciará en breve no Parlamento de Galicia.
As propostas de resolución defendidas por Balseiro Orol e rexeitadas polos socios do Goberno bipartito no Debate sobre o Estado da Autonomía que rematou o pasado mércores na Cámara autonómica incluían demandas que contan cun elevado respaldo social como a necesidade de reclamar ao Goberno central unha partida orzamentaria específica para a apertura do dique norte de ALCOA ao tráfico xeral comercial, ou a creación da Autoridade Portuaria propia de Lugo, única provincia marítima española sen ente xestor portuario independente. De xeito especial o PPdeG buscaba, a través das súas propostas de resolución, acelerar o investimento na principal vía de comunicación chamada a articular e comunicar o norte lucense: a vía de alta capacidade Ferrol-San Cibrao-Barreiros. Os populares reclamaban “poñer fin ao desprezo de Xunta e Goberno central respecto deste proxecto, de tal xeito que sexa posible a súa entrada en funcionamento na súa totalidade no ano 2011, tal e como prometeu públicamente a Conselleira de Política Territorial, Obras Públicas e Transporte. En resume, PSOE e BNG néganse a dotar as infraestructuras necesarias para o seu desenvolvemento.
REORGANIZACIÓN DA XUSTIZA
No ámbito da xustiza o PPdeG reclamaba a reorganización do mapa xudicial das bisbarras mariñás, na procura dunha mellora da Xustiza, propiciando a achega deste servizo público ao cidadá e o reparto equilibrado da carga de traballo. Con este obxecto propuxo a otacion dun novo partido xudicial á provincia de Lugo, con xuridicción na comarca da Mariña oriental, e no que se incorpore un xulgado de primeira instancia e instrución na localidade de Ribadeo. Asemade os populares propoñen que o concello de Foz pasará a formar parte do partido xudicial de Mondoñedo e aumentaránse os recursos humanos que prestan o seu traballo nos xulgados de Viveiro.
UN SISTEMA SANITARIO AO NIVEL QUE LLE CORRESPONDE
Pese ao optimismo amosado pola Xunta os veciños da Mariña son conscientes do deterioro xeneralizado do sistema público sanitario. En base a iso, o o PPdeG reclamaba reforzar os Recursos Sanitarios a área de norte de Lugo para que a atencion sanitaria estea como minimo ao nivel que lle corresponda. E, a este respecto, debéranse acometer as xestións e investimentos necesarios co obxecto de desenvolver as obras de ampliación do Hospital da Costa de Burela e, xunto a iso, deberán adoptarse as medidas e previsións precisas para crear un servizo de urxencias durante as 24 horas no Centro de Saúde de Foz (Lugo), de xeito inmediato
No ámbito industrial, o PPdeG propoñía dotar de solo empresarial ao conxunto das bisbarras da Mariña lucense, apostando de xeito preferente impulsar a creación do cinto industrial no contorno da factoría ALCOA, por entender que servirá para mellorar o desenvolvemento económico e industrial do norte lucense
MELLORAR AS POSIBILIDADES DE ACCESO A UNHA VIVENDA
Simultaneamente, o deputado popular defendeu o impulso da vivenda protexida, na Mariña lucense, practicamente esquecida durante estes 3 últimos anos, en atención á alta demanda existente
Nas propostas do Grupo Popular tamén figuraba unha petición expresa para instar á Xunta a creación de máis prazas en Residencias, de Centros de dia, e de Escolas infantis “como corresponde á densidade de poboacion, dispersión dos núcleos habitados e taxa de envellecemento da Mariña lucense.”
Outras propostas reclamaban a finalización urxente dos traballos de concentración parcelaria en Mondoñedo Norte, tanto no referente á entrega das novas parcelas e dos seus títulos de propiedade, como respecto dos camiños de servizo e obras complementarias.
Finalmente, os populares demandan a asunción dos gastos de posta en funcionamento dos comedores nos centros escolares da totalidade da Mariña lucense.
Todas elas atopáronse coa oposición de PSOE e BNG que, reflectindo a soberbia do Goberno galego respecto das lexítimas aspiracións da nosa comarca decidiron representar unha nova labazada á Mariña lucense
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
