Foz, 22 de agosto de 2019.- A Consellería de Infraestruturas e Mobilidade ten en marcha ou prevé iniciar de xeito inminente obras de acondicionamento e mellora en tres estradas da Mariña lucense nas que inviste 1,2 millóns de euros.
Neste momento están en execución as obras na estrada LU-151 no treito entre Fazouro e San Acisclo, termo municipal de Foz, e a piques de rematar –tan só resta o repintado da vía- ás melloras realizadas na travesía da Seara, e na estrada LU-160, no municipio de Alfoz.
Está previsto que a principios do vindeiro mes de setembro comecen as obras de reforzo do firme na LU-161 entre Landrove e Ferreira do Valadouro, que afectan a varios puntos dos termos municipais de Viveiro, Ourol e do Valadouro.
Así o explicou, a modo de balance, o delegado territorial da Xunta en Lugo, José Manuel Balseiro, durante a súa visita aos traballos que a administración autonómica ten en execución na estrada de Foz, onde estivo acompañado por membros da Corporación municipal e veciños da zona.
Balseiro dixo que, se as circunstancias climatolóxicas son favorables, a previsión que manexa a Xunta é rematar os traballos nestas tres vías ao longo da segunda quincena do mes de setembro e sinalou que o acondicionamento das estradas contribuirá a garantir vías máis cómodas e seguras para os automobilistas e para a veciñanza da zona.
Estrada LU-151 Fazouro-San Acisclo
No que respecta á obra en execución entre Fazouro e San Acisclo, os traballos concéntranse entre os puntos quilométricos 2 a 10 e consisten na regularización puntual dos treitos deteriorados da vía e na extensión dunha nova capa de rodaxe con mistura betuminosa.
Está previsto tamén actuar nas beiravías de seguridade e mellorar os sistemas de contención con barreiras metálicas. Os traballos poderían quedar listos a finais de mes.
Estrada LU-160 Mondoñedo- Valadouro
Polo que respecta a obra na LU-160, a groso das actuacións centrouse na travesía da Seara en Alfoz onde a Xunta acometeu unha nova capa de rodaxe continua en toda a súa extensión, previo selado de fisuras e fresado dos puntos que presentaban deterioro.
Neste caso á obra tan só lle resta o repintado das marcas viarias.
LU-161 Landrove-Ferreira do Valadouro
Finalmente, a principios do mes de setembro, darán comezo as obras na LU-161, na estrada Landrove-Ferreira do Valadouro. Neste caso as obras consisten no fresado e reposición da capa de rodaxe nas zonas deterioradas, actuando tamén sobre as beiravías, ao longo de dez quilómetros.
Nas tres estradas hai previstos traballos comúns como son a limpeza de marxes, reposición da sinalización horizontal e vertical.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
