Viveiro, 29 de agosto, 2019. Os populares de Viveiro instan ao Goberno local, a través dunha moción para debater na vindeira sesión plenaria, a retomar coa Xunta de Galicia e a Deputación Provincial as xestións para levar a cabo os proxectos de rehabilitación do colexio vello de Celeiro e a cesión das instalacións dirixidas a albergar a Escola Oficial de Idiomas (EOI).
Deste xeito, o Grupo Municipal Popular amosa o seu apoio ao traslado da actividade da EOI para as instalacións do antigo colexio Pedrosa Latas que é propiedade do Instituto Social da Marina (I.S.M.), pero que “segundo a nosa información a titularidade e cesión non sería problema por parte das administracións afectadas para efectuar este traslado”. Isto permite “empregar a planta superior do edificio que comparten a Escola Oficial de Idiomas e a asociación Aspanane para construír a súa residencia nas mesmas instalacións onde agora se sitúa tamén o centro de día”. É máis, os populares consideran que “esta iniciativa é beneficiosa non só para os nosos veciños e veciñas, senón tamén para as dúas entidades que fan uso destas instalacións na actualidade”.
Xa no seu momento Aspanane, que ven realizando dende varios anos un traballo fabuloso coas persoas con necesidades especiais, contou co apoio da Corporación Municipal para levar adiante o seu “ansiado” proxecto de residencia. “Trátase dun servizo moi demandado porque non existen instalacións na comarca dirixidas ao coidado de persoas con capacidades diferentes que se ven obrigadas a empregar outros centros fóra da Mariña. Cónstanos que nos últimos anos o Goberno local traballou na procura de locais alternativos para a EOI; pero, a pesar de agradecer o esforzo, lamentamos que non lograran unha solución”, engaden.
Os edís do PP local recordan que “o pasado 2 de marzo de 2019, a Xunta de Galicia, a Deputación de Lugo e o Concello de Viveiro presentaban o proxecto de rehabilitación do antigo colexio Pedrosa Latas de Celeiro co obxectivo de acoller as instalacións da Escola Oficial de Idiomas (E.O.I)”. As melloras contempladas –illamento térmico e acústico, impermeabilización, división de espazos, acabados e instalacións, así coma adaptacións necesarias que as poidan empregar as persoas con mobilidade reducida- requiren un investimento duns 500.000 euros que financiarían a partes iguais o Concello, a Deputación Provincial e a Xunta de Galicia, tal e como se teñen comprometido”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
