Burela, 3 de setembro de 2019. O concelleiro de Deportes, Ramiro Fernández Rey, fai un balance moi positivo das actividades organizadas para os máis pequenos na segunda quincena de agosto. O edil subliñou que arredor de 80 rapaces e rapazas participaron en cada unha delas, no wipe up, no fútbol 3×3, na festa da auga e no láser combat. Fernández Rey asegurou que coa resposta que tiveron en vindeiros anos desde o Concello volverán apostar por accións deste tipo.
O concelleiro burelés dixo que “dende o Concello de Burela, como concelleiro de Deportes, quero facer unha valoración moi positiva sobre as actividades que viñemos programando durante esta segunda quincena do mes de agosto, sobre todo dirixidas a nenos e nenas”.
Ramiro Fernández salientou que “tiveron unha aceptación enorme, estamos falando de que cada actividade contou cunha media de 80 rapaces que participaron nas mesmas. Tivemos a actividade de wipe up, o 3×3 de fútbol, a festa da auga, que era para conmemorar o final das escolas deportivas de verán, e este último fin de semana que fixemos o láser combat. A valoración é moi positiva. Tivemos moitísima participación, os nenos quedaron contentos e os papás tamén”.
O edil de Deportes manifestou que “é unha actividade que impulsamos este ano para complementar un pouco todas as actividades que tíñamos dentro de Turismo e Deportes neste verán aquí en Burela. Como digo a experiencia foi positiva e penso que seguramente para os próximos anos seguiremos con este tipo de actividades para darlles aos nenos esa alternativa á praia e a outras cousas”.
Fernández Rey quixo “agradecer a colaboración de Activity Center-IG10 que estiveron colaborando con nosoutros e intentaremos nos próximos veráns siga habendo este tipo de actividades impulsadas desde o Concello de Burela”.
O edil de deportes, Ramiro Fernández Rey, valora de xeito positivo as actividades realizadas na segunda quincena de agosto para os rapaces e rapazas de Burela
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
