Burela, 10 de outubro de 2019. As obras que o Concello está a realizar no parque de Suafonte están a piques de rematar. O proxecto inclúe a posta en marcha dunha fonte con seis chorros que se iluminarán pola noite. O alcalde, Alfredo Llano, considera que o espazo vai quedar moi bonito e atractivo, porque contará tamén cun miradoiro sobre o porto. O rexedor e o concelleiro de Obras, Ramiro Fernández Rey, visitaron hoxe a zona.
Llano contou que “as obras van facer un espazo atractivo, bonito e cun gran miradoiro para o porto, para o muro das pinturas de Amarte. Ten unha vistosidade extraordinaria o parque de Suafonte, que agora está moi ben situado”.
O alcalde dixo que “incrementamos o seu atractivo colocando seis chorros de auga que están programados e se que poden variar na súa cadencia. Tamén estarán iluminados pola noite, ademais pódense iluminar con diferentes cores ou manter un so cor para celebrar algún acontecemento especial como pode ser o día do cancro ou da violencia de xénero. Imos ampliar a zona de esparcemento dos rapaces con novos xogos e novas atraccións, e imos procurar organizar tamén as flores, as plantas e as árbores”.
O rexedor salientou que “pensamos que vai quedar un parque moi bonito, nunha zona central que vai dar lugar a ser visitada. Como queda pouco para culminar a obra, calculo que ben esta semana ou para a que ven quedará aberto ao público, que é o que queremos facer o antes posible”.
As obras do parque de Suafonte rematarán en breve. Poñerase en marcha unha fonte con seis chorros iluminados e ampliarase a zona de xogos para nen@s
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
