A Mariña, 17 de outubro, 2019. «Por máis que chova, non imos parar. Despois da concentración do mércores en San Cibrao está claro que a presión vai en aumento para conseguir que o Goberno central adopte as medidas necesarias, e que só el pode adoptar, para garantir o futuro de Alcoa-San Cibrao e devolver a tranquilidade ás familias dos traballadores e a comarca da Mariña en xeral». Así resume a presidenta provincial do PP, Elena Candia, o momento que se vive na defensa da planta de Alcoa en San Cibrao. «Temos que seguir nesa mesma liña ata ter a resposta necesaria por parte do Goberno».
Candia di que nesa liña de presión ata asegurar o futuro de Alcoa é precisa a participación dos alcaldes socialistas da comarca e da provincia en xeral. «Os mesmos que pedirán o voto para Pedro Sánchez teñen que implicarse abertamente e sen medias tintas na defensa dos intereses da Mariña e das familias que viven directamente ou indirectamente de Alcoa. Os alcaldes socialistas teñen que pedir ao Goberno, igual que fai o resto da sociedade, solucións para a supervivencia desta empresa».
A presidenta provincial do PP di: «A medida que pasa o tempo e o Goberno non reacciona aumenta a preocupación. Como xa dixen noutras ocasións, se esta é a resposta que ten o Goberno en plena precampaña electoral, qué nos esperará se despois das eleccións hai outro goberno socialista».
Polo seu lado, o alcalde de Cervo, Alfonso Villares, despois da concentración en San Cibrao, destacou: «Urxe que o Goberno central nos dea axudas para que a nosa empresa sexa competitiva e que se quite esa sombra de peche que está enriba da mesa». Engadiu: «Cada semana que pasa é unha semana na que a empresa e o noso benestar corren perigo».
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
