Ribadeo, 17 de outubro de 2019. O alcalde, Fernando Suárez, mantivo un encontro este mediodía no seu despacho no Concello co presidente da Deputación de Lugo, José Tomé, que hoxe visitou Ribadeo para coñecer de primeira man as súas necesidades e preocupacións. Despois de pasar polo Pazo de Ibáñez ambos supervisaron as obras que as dúas institucións están a sufragar no terreo de xogo do campo municipal Pepe Barrera.
O rexedor dixo que “quixemos convidar ao presidente da Deputación, José Tomé, para que viñera ao Concello de Ribadeo onde lle estamos profundamente agradecidos que, a diferenza doutras institucións, aquí na Deputación, xa desde hai moitos anos, sempre nos escoitan, sempre nos reciben e se convidamos nós sempre veñen, e é importante”.
Para Suárez Barcia “quizais hoxe non sexa o momento para iniciar unha serie de peticións que temos moitas que facer, hoxe é o inicio dunha continuación dun traxecto que vimos mantendo coa Deputación, nestes últimos anos, colaborando. Queremos agradecer que viñera o presidente da Deputación a Ribadeo para ver de primeira man algúns aspectos nos que a institución provincial está colaborando actualmente como pode ser a renovación do campo de fútbol, no que colabora dunha maneira importante, a diferenza doutras institucións que colaboran dunha maneira pírrica, pero xa que está aquí tamén lle queremos comentar algúns aspectos que nos gustaría que ao longo deste mandato se puideran ir resolvendo, ben porque son titularidade da Deputación directa ou porque pode colaborar”.
O alcalde engadiu: “queremos agradecer a presenza do presidente da Deputación aquí e tamén dicir que desde Ribadeo estamos moi contentos de que exista un goberno estable na Deputación e de colaboración leal. Espero que siga así sendo todo o mandato e que poidamos facer cousas moi importantes pola provincia, e eu, como alcalde de Ribadeo pola parte que me toca, por Ribadeo”.
Despois de asinar no libro de honra do Concello de Ribadeo o presidente da Deputación, José Tomé, manifestou: “loxicamente supoño que o alcalde me trasladará as súas preocupacións e as súas necesidades. Nós tomaremos nota e, como el dicía, na medida do posible dentro do actual mandato, destes catro anos que nos quedan por diante, trataremos non sei si a todas, pero a algunha delas darlles solución para beneficio dos veciños e veciñas de Ribadeo”.
Tomé Roca leu a continuación o que escribiu no libro de honra do Concello ribadense: “é que para min é unha honra visitar por primeira vez o Concello de Ribadeo como presidente da Deputación de Lugo, un Concello de referencia da Mariña e que ademais supón un importante referente dende o aspecto social e económico e tendo unha profunda tradición mariñeira. Desexo a todos os veciños e veciñas de Ribadeo, personificados no seu alcalde, o mellor para o futuro”.
José Tomé e Fernando Suárez mantiveron unha xuntanza privada no despacho do rexedor e despois supervisaron as obras que se están a realizar no terreo de xogo do campo municipal Pepe Barrera.
Fernando Suárez e José Tomé estiveron acompañados polas deputadas provinciais Mónica Freire e Pilar García, ademais de por concelleir@s da Corporación Municipal de Ribadeo.
O Alcalde de Ribadeo e o Presidente da Deputación supervisaron as obras que se realizan no terreo de xogo do campo municipal Pepe Barrera
Relacionado
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
