Foz, 18 de outubro, 2019. O grupo municipal do Partido Popular de Foz, ven de presentar unha moción instando ao goberno municipal e a outras administracións a poñer en valor o Castro de Lelle en San Martiño que foi adquirido polo goberno Popular no ano 2018.
A concelleira Popular, Laura Riveira xustifica a presentación desta moción dado que “Dende o anterior goberno fíxose unha gran aposta polo patrimonio cultural de Foz con diferentes inversións, entre elas a compra do Castro de Lelle, adquirindo máis de 15.000 m2 e eliminando os ecaliptos que o estaban danando, este conxunto castrexo tan importante está á espera de que se contrate un proxecto de recuperación que permita solicitar a outras administracións o financiamento necesario para levalo a cabo e con elo por en valor este conxunto histórico tan importante…”
Prosegue a Concelleira Riveira “pedimos que se redacte un proxecto, no que se inclua unha limpeza mais exhaustiva e o tratamento dos tocóns, que contemple un levantamento topográfico e un vo con dron para mellor estudio, avaliación de posibles propeccións arqueolóxicas futuras e creación de percorridos con carteleiras informativas e un selado superficial con capa vexetal tipo herba natural ou céspede que permita un mantemento rutinario.”
Remata Laura Riveira “propoñemos tamén na moción unir o Castro coa Basílica que están separados soamente por 500 mts con unha senda peonil para formar con elo un conxunto histórico de un valor cultural e turístico incalculable, e animamos ao goberno a seguir adquirindo terreos para que se puidese contar con un aparcamento colindante á estrada, para facilitar o acceso ao castro”.
“cremos que ademáis do Concello, Xunta de Galicia e Deputación de Lugo deberían involucrase para sacar a diante este proxecto tan ambicioso que unha vez feito convertiríase nun referente no extenso patrimonio cultural do noso Concello”
O PP de Foz presentará unha moción no pleno do mes de outubro para instar ao goberno a poñer en valor o castro de Lelle que foi adquirido no 2018
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
