Viveiro, 25 de outubro de 2019. O Concello de Viveiro puxo en marcha nos primeiros catro meses do actual mandato municipal un total de nove obras para mellorar diferentes infraestruturas no centro urbano e nas parroquias, así como os servizos básicos que utilizan os veciños e veciñas.
O orzamento destinado a estas actuacións alcanza os 628.667 euros e as partidas derivan de convenios e acordos asinados polo concello coa Deputación de Lugo (Plan Único), a Xunta e outros organismos autonómicos como a Axencia Galega de Desenvolvemento Rural e a Axencia Galega de Turismo.
“Traballar cada día para mellorar o benestar dos nosos veciños é un compromiso para este grupo de goberno, as obras de reforma e renovación dos servizos básicos continuarán durante todo o mandato”, asegura a alcaldesa, María Loureiro.
Das nove obras, dúas xa finalizaron, en concreto a recuperación do Mirador de Monte Faro (38.203 euros) e a reposición de pavimentos e servizos existentes entre o número 16 e o Colexio San Roque da av. Benito Galcerán (43.359 euros).
Outras catro actuacións están a día de hoxe en execución: a reposición do firme e a dotación de servizos de saneamento, pluviais, abastecemento e alumeado público no Camiño Vello (94.687 euros); a reforma da instalación eléctrica e o alumeado no campo de fútbol municipal (46.240 euros); a reposición das beirarrúas e o firme da rodadura entre os números 10 e 16 da avenida de Vilalba (32.117 euros), e a ampliación da rede de saneamento no lugar de Toxeiras, Landrove (54.974 euros).
Dous dos traballos cemezarán nos próximos días, a reposición do firme en varios camiños e pistas nas parroquias (79.087 euros) e a substitución do pavimento deportivo no pavillón municipal (134.000 euros). A novena actuación está en prazo de presentación ofertas e será para repoñer o firme na pista de Sobrado-Pousadoiro (A Cambela), cun orzamento de 106.000 euros.
“Escoitamos as demandas da cidadanía e actuamos, dando o mesmo trato a todos os veciños e renovando tamén as dotacions que máis utilizan os milleiros de persoas que nos visitan cada ano”, engade a alcaldesa.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
