Lugo, 1 de novembro de 2019. A secretaria provincial Socialista e Deputada Autonómica, Patricia Otero a Alcaldesa de Lugo, Lara Méndez, xunto aos candidatos ao Congreso e ao Senado que encabezan, Ana Prieto e Cesar Mogo, participaron na Praza de San Marcos na pegada de carteis virtual do PSdeG-PSOE para as vindeiras eleccións do 10 de novembro.
A secretaria provincial Socialista remarcou a importancia desta cita electoral.“O vindeiro 10 novembro xogamos aprobar o estatuto das empresas electrointensivas, conectar esta provincia coa Alta Velocidade, traballar para acadar unhas pensións xustas, ou loitar contra a desigualdade, pero sobre todo seguir avanzando nos dereitos conquistados e na xustiza social que o ADN do PSOE”, dixo Patricia Otero.
A Alcaldesa de Lugo, Lara Méndez tomou a palabra para reivindicar o impulso do Goberno de Pedro Sánchez ao longo deste mandato na capital da Provincia. “Nestes meses puxemos o proxecto da estación de tren co novo aparcadoiro, melloráronse as infraestruturas viarias como na A-54, ou o proxecto da nova oficina de emprego do Barrio da Residencia que conta tamén con financiamento do Estado. Estes proxectos son algún exemplo das políticas progresistas polas que os lucenses debemos seguir loitando. Lugo non pode, nin debe quedar atrás desta senda de progreso”, resumiu.
A candidata ao Congreso, Ana Prieto explicou que defenderá os intereses da provincia e de todos os veciños e veciñas de Lugo no Congreso. “Dende o PsdeG-PSOE traballaremos para loitar contra calquera tipo de desigualdade, daremos un novo impulso ao Estado do Benestar e afrontaremos outras tarefas pendentes de rexeneración democrática cun programa progresista, feminista e europeísta”.
Prieto Nieto dixo que “as tres dereitas non poden nin deben gobernar este pais. O PP de Casado e de Feijoo estaría encantando de gobernar con VOX nas institucións deste pais, por iso o vindeiro 10 de novembro, todos os lucenses debemos dar unha lección de dignidade, e demostrar este pais quere un goberno progresista e que avanza con paso firme para acadar maiores cotas de avance social e de igualdade da súa historia”.
O cabeza de lista ao Senado, Cesar Mogo pediu o voto o 10 de novembro “para que a provincia de Lugo poida formar parte deste pais moderno, cun goberno presidido por Pedro Sánchez que aposta pola educación pública, que sube o SMI e as pensións a mais de 116.000 lucenses, que ampla a rede de becas, e que defende un emprego digno e de calidade”.
Mogo sinalou que o único xeito de desterrar a dereita de Galicia “é apoiar ao Goberno de Pedro Sánchez. A esta provincia vaille ben cando goberna o PSOE, o 10 N xogamos un modelo de pais que aposta polas persoas e polos avances sociais, e outro que aposta pola involución e o retroceso. Debemos continuar con esta folla de ruta progresista para que esta provincia continua a senda de progreso na que estamos traballando dende o PSOE”, resumiu.
Pegada virtual
No acto de inicio de campaña, na Praza de San Marcos de Lugo, os candidatos e candidatas estiveron acompañados de veciños, compañeiros e militantes que se achegaron a esta convocatoria. Nesta ocasión a pegada foi virtual, xa que o cartel e as imaxes de Pedro Sánchez foron proxectadas nunha pantalla.
Os socialistas piden o voto “para seguir avanzando nos dereitos conquistados e na xustiza social”
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
