BURELA .- O pavillón Vista Alegre de Burela acolleu o encontro de fútbol sala entre as seleccións de Libia e de Galicia que gañou o combinado galego por 5 a 2; o equipo de Galicia contou con 3 xogadores do Burela F. S. O pavillón rexistrou unha notábel entrada e entre os asistentes atopábanse o responsable da área de deportes da Deputación, Antonio Veiga, acompañado da tenente de alcalde de Burela, Neves Cando.
Nota de Prensa
ANTONIO VEIGA ASISTIU, EN BURELA, AO ENCONTRO DE FÚTBOL SALA ENTRE GALIZA E LIBIA
O combinado galego superou, unha vez máis, aos de Libia por 5-2
O partido disputouse no pavillón de Vista Alegre cunha notábel presenza de seareiros e afeccionados ao fútbol sala
BURELA, 29 de marzo de 2010. Hoxe disputouse en Burela o partido de fútbol sala amigábel entre a selección galega e Libia. O delegado de Deportes da Deputación, o nacionalista Antonio Veiga, acudiu a presenciar o encontro desta noite ao pavillón municipal de Vista Alegre, que rexistrou unha notábel entrada de afeccionados para seguir o partido internacional entre Galiza e Libia. Antonio Veiga estivo acompañado da tenente de alcalde de Burela, Neves Cando.
O encontro de fútbol sala que enfrontou a Galiza e Libia, actual selección campioa de África, contou co aliciente de que a selección africana está actualmente dirixida polo galego Pablo Prieto (ata o ano pasado director deportivo do Azkar Lugo). Ademais, o combinado galego está formado por xogadores de diferentes categorías do fútbol sala galego. Neste combinado destacou a participación de 3 xogadores do equipo local Burela F. S.
Antonio Veiga, delegado de Deportes da Deputación, afirmou que “a creación das seleccións galegas foi todo un logro deportivo acadado hai anos froito das constantes reivindicacións sociais por parte dos clubs, xogadores e xogadoras e seareiros e seareiras”. Por este motivo, Veiga ratificou que “é importante, nestes momentos nos que estes combinados perden apoios institucionais -diante da negativa da Xunta de Galiza de Feijóo a apoiar os encontros das seleccións galegas-, pular para que Galiza siga contando con seleccións deportivas nacionais que disputen encontros deste tipo”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
