Burela, 15 de novembro de 2019.- A empresa construtora encargada da obra de remodelación integral do colexio Virxe do Carme de Burela traballa desde o día de onte, cando foi detectada, na corrección da filtración de auga que, con carácter puntual e localizado, afectou ao vestiario da cociña e comedor deste centro educativo.
Arquitectos da Unidade Técnica da Consellería de Educación comprobaron a avaría, considerada de pequena incidencia, así como o desenvolvemento dos traballos que se están a acometer para reparala e garantir que quede perfectamente selada.
Todo apunta a que a filtración puido deberse á rotura de varias lousas na cuberta do edificio número 1, nos puntos nos que se apoiaba o andamio empregado para a obra, feito combinado co vento e as fortes precipitacións dos últimos días.
A administración autonómica destaca que tanto as clases, como o resto da actividade do centro, incluído o uso do comedor, desenvolveuse sen incidencias e con total normalidade.
Lamentable aproveitamento político
Desde a Xunta de Galicia lamentan o aproveitamento político que algúns partidos quixeron dar a esta avaría e resaltaron que, tanto a dirección do centro como a propia empresa encargada das obras, actuaron desde o primeiro momento para corrixir a situación.
Ata tal punto foi así que hoxe e onte operarios traballaban na propia cuberta do edificio a pesar do temporal de vento, e sempre coas máximas medidas de seguridade. No interior hai disposto un deshumidificador para, unha vez eliminada a filtración, actuar no falso teito e pintar os parámetros, se fóra preciso.
Non é unha circunstancia extraordinaria que cando ten lugar un importante temporal de vento e chuvia poidan producirse filtracións ou desperfectos nas instalacións dos centros educativos que, as direccións do centro e coordinación coa Unidade Técnica de Educación, corrixen con celeridade.
Obra de remodelación integral
Desde a Xunta insisten en que a incidencia acontecida non resta valor ás obras de remodelación integral do colexio Virxe do Carme nas que a Consellería de Educación investiu máis de 860.000 euros, e que se desenvolveron dun xeito exemplar como corrobora a comunidade educativa do centro.
Cómpre lembrar que actuouse nos tres edificios que compoñen o complexo escolar, modernizando todos os espazos, polo que o colexio gaña en espazos máis modernos e confortables e en medidas de eficiencia enerxética e mellora do illamento térmico.
Malia que a obra está finalizada, persoal da empresa construtora continúa no centro precisamente realizando pequenos remates e supervisando as actuacións realizadas para garantir que estean en perfecto estado antes da recepción dos traballos.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
