Ribadeo, 29 de novembro de 2019. O voceiro do Grupo Municipal Popular de Ribadeo, Daniel Vega, invita a Fernando Suárez a “desmarcase da política do insulto e poñerse a traballar en beneficio dos ribadenses”.
O popular amosa a súa “indignación” ante as “descualificacións que o señor Suárez me dirixiu”; xa que “non son propias dunha persoa co seu cargo institucional”. E, nese sentido, quere deixar claro que “dende o Grupo do PP estamos a traballar na defensa dos intereses dos ribadenses sen caer no insulto ou na descualificación. Non imos entrar nese xogo”, avanza.
“Precisamente en relación ás vivendas de promoción pública, puxemos en valor aquelas das que se teñen beneficiado persoas e familias no noso municipio. A última foi entregada o pasado día 8 deste mesmo mes: trátase dun piso situado na rúa Rafael Fernández Cardoso do que a Xunta transfería a propiedade ao seu adxudicatario”, apunta.
Mentres que “o goberno local despreza a colaboración institucional”, Vega reivindica, unha vez máis, que “esta colaboración beneficia aos veciños e ás veciñas de Ribadeo”. Ademais, destaca “o compromiso do goberno galego coas persoas e familias que demandan vivenda de promoción pública en Ribadeo” e aplaude a xestión por parte da Xunta “do diñeiro recadado dos nosos impostos”; xa que “canaliza eses recursos en beneficio dos veciños e veciñas que máis o podan necesitar”, conclúe o voceiro do PP no municipio ribadense, facendo referencia á dotación de vivenda de promoción pública a prezos reducidos.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
