Foz, 11 de decembro de 2019. O goberno municipal de Foz leva ao pleno da corporación que se celebrará mañá, xoves, unha proposta de adhesión á Axenda 2030 e aos seus 17 obxectivos de desenvolvemento sostible. Esta iniciativa contempla promover actividades de divulgación deste plan de acción e instalar un símbolo nalgún lugar do municipio focense para visualizar o compromiso coa Axenda 2030.
O concelleiro de Relacións Institucionais, Carlos García, explica que esta proposta do goberno local “ten que ver coa adhesión á Axenda 2030 e aos 17 obxectivos de desenvolvemento sostible que figuran nela. É unha moción titulada Iniciativa polo futuro porque esa é a nosa intención: fomentar o contrato social global que vén propulsado dende a ONU e que ten diversas índoles de actuación, como son a nacional, autonómica e, neste caso, municipal. Queremos reunirnos co Alto Comisionado para a Axenda 2030, coa cal xa tivemos un par de contactos; queremos reunirnos coa Comisión Interdepartamental da Xunta de Galicia, aprobada en outubro deste ano e que no decreto 142/2019, do 31 de outubro, insta a que outras administracións públicas e privadas se decidan a impulsar as medidas necesarias para promover o cumprimento de obxectivos de desenvolvemento sostible en Galicia”.
Carlos García engade que a Axenda 2030 “é un marco estratéxico que quere centrar a visión política e a acción de goberno do Concello de Foz. Polo tanto a nosa proposta inicial versará en promover actividades de divulgación da Axenda 2030 neste municipio. Queremos estudar a implementación de políticas e metas prioritarias, xuntarnos con entidades supramunicipais e promover accións estratéxicas. Ademais queremos adaptar o logotipo da Axenda 2030 á identidade corporativa do Concello de Foz. E, para finalizar, temos a intención de asignar unha localización física significativa do noso municipio a un símbolo co que visualizar o compromiso con esta iniciativa”.
O concelleiro focense de Relacións Institucionais remata adiantando que “esta proposta terá unha revisión anual de reformulación de obxectivos. É o tempo de sumar esforzos dende o local. É unha iniciativa polo futuro de Foz no eido medioambiental, económico e social; un municipio máis produtivo, máis sostible e máis resiliente. Queremos un Foz habitable e inclusivo. Por iso animamos a todas as forzas políticas con representación no Concello a asumir este gran desafío con valentía porque non hai reto que poida resistir o devezo de deixar aos nosos fillos e fillas un mundo mellor”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
