Lugo, 11 de decembro de 2019. A subdelegada do Goberno, Isabel Rodríguez, presidiu esta tarde unha xuntanza do presidente da Confederación Hidrográfica do Cantábrico, Manuel Gutiérrez, co presidente da Federación provincial de Asociacións de Veciños de Lugo, Jesús Vázquez, quen estivo acompañado dun numeroso grupo de representantes do colectivo veciñal na provincia. O obxectivo do encontro, celebrado esta tarde na subdelegación do Goberno, foi abordar a limpeza de ríos das concas do Eo e o Navia que son competencia da Confederación Hidrográfica do Cantábrico.
Isabel Rodríguez agradeceu a Manuel Gutiérrez que viaxara expresamente a Lugo dende Oviedo, onde ten a súa sede a Confederación Hidrográfica do Cantábrico, para coñecer de primeira man as demandas do colectivo veciñal da provincia sobre as necesidades que as distintas entidades consideran máis urxentes para planificar os labores de limpeza nos distintos ríos das concas do Eo e o Navia.
Pola súa parte, o presidente da Confederación do Cantábrico, que lembrou o investimento de máis de 124.000 euros feito a primeiros de ano en labores de limpeza dos ríos da nosa provincia, prometeu estudar as peticións dos veciños coa finalidade de incorporalas ao plan plurianual de traballo da entidade, que se deseña tendo en conta as demandas expresadas polos distintos concellos do seu ámbito de actuación.
SANEAMENTO DE SOBREDO
Por outra parte, a subdelegada do Goberno anunciou hoxe o próximo comezo das obras que realizará o ministerio de Transición Ecolóxica, a través da Confederación Hidrográfica do Miño-Sil, que preside José Antonio Quiroga, para dotar de saneamento ao núcleo de Sobredo, no concello de Folgoso do Courel.
Rodríguez informou de que xa foi asinado o contrato para a realización dos traballos, que foron adxudicados á empresa VIPECA Obras y Servicios nun importe de 89.531 euros (sen incluir o IVE).
O ministerio de Transición Ecolóxica levará o saneamento a este núcleo de Folgoso do Courel, que carece de calquera sistema de saneamento e depuración a pesar de estar incluído na Rede Natura 2000. O proxecto inclúe a construción dunha rede de saneamento deste núcleo de poboación, por gravidade e cunha lonxitude aproximada de colectores de 500 metros. No extremo da rede de saneamento disporase unha instalación de depuración con capacidade suficiente para tratar os verquidos.
A Confederación Hidrográfica Miño-Sil asume a totalidade do investimento necesario para esta actuación, que incluiu tanto a redacción do proxecto como a execución da obra e a dirección e vixilancia da mesma.
Para levar a cabo esta actuación, o presidente da Confederación Hidrográfica Miño-Sil, José Antonio Quiroga, asinou un convenio coa alcaldesa de Folgoso do Courel, Dolores Castro, no que se estipula que a Confederación financia, executa e entrega as obras de saneamento do núcleo de Sobredo e, unha vez rematadas as obras, o Concello farase cargo da xestión, mantenemento e conservación das obras.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
