Foz, 20 de decembro de 2019. Acia Foz segue coa súa promoción do municipio a nivel nacional. A revista Hola Viajes 2020, 52 rutas por la España más bella y desconocida ofrece unha interesante reportaxe sobre a Basílica de San Martiño. O xornalista, escritor, arquitecto e viaxeiro incansable Enrique Domínguez Uceta escribe sobre Una Catedral y un sinfín de leyendas. Ría de Foz-Lugo, tras o seu paso pola Basílica, por Foz e por outros enclaves da Mariña nos últimos meses.
Domínguez Uceta escribe que “San Martiño de Mondoñedo, la catedral más antigua de España, es un bello templo románico situado en un paisaje único, junto a la ría de Foz y la costa Cantábrica. El entorno es rico en playas salvajes y en historias medievales, que hablan de celtas, suevos y bretones, que habitaron los mismos bosques mágicos y pueblos costeros que hoy vemos en esta maravillosa comarca del norte de Lugo”.
O escritor e xornalista refírese tamén ao Centro de Interpretación de A Mariña Lucense (Cenima): “es un atractivo edificio moderno con información virtual sobre maravillas cercanas” e alude ao castro de Fazouro, ao Souto da Retorta, á fábrica de Sargadelos, ao porto pesqueiro de Burela e a Viveiro.
Domínguez Uceta propón visitar a zona entre abril e outubro e subliña que en Foz se celebra a Festa do Bispo Santo en maio e a Festa Normanda ao final do verán. Tamén fala de lugares para degustar a gastronomía da zona e para pernoitar. Na súa reportaxe de tres páxinas en Hola Viajes 2020 Enrique Domínguez Uceta recomenda non deixar de visitar O Fuciño do Porco.
A devandita reportaxe xurdiu despois da visita realizada a Foz por Enrique Domínguez Uceta, xunto a outros xornalistas en xuño de 2018, iniciativa promovida polo CCA de Foz e outras entidades da Mariña para dar a coñecer os principais atractivos turísticos da zona.
Desde Acia Foz o seu presidente, José Carlos Paleo, subliña que “pouco a pouco o noso traballo vai dando os seus froitos. Foz e A Mariña son protagonistas agora dunha reportaxe en Hola Viajes, ao igual que o foron antes en Marca Motor ou no libro Viajar por libre. 50 rutas en furgo por España, do xornalista Pedro Madera. O que perseguimos é que Foz e A Mariña sexan o máis coñecidos posible e que a xente saiba que calquera momento é bo para visitar e desfrutar desta terra”.
A revista Hola Viajes, de tirada nacional, publícase dúas veces ao ano, chega a milleiros de persoas e esgótase axiña nos quioscos.
Acia Foz segue coa súa promoción do municipio a nivel nacional. A revista Hola Viajes 2020, 52 rutas por la España más bella y desconocida ofrece unha interesante reportaxe sobre a Basílica de San Martiño
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
