Lugo, 30 de decembro de 2019. A Consellería de Economía, Emprego e Industria investiu este ano preto de 2,3 millóns de euros en incentivos á contratación na provincia de Lugo. O delegado territorial da Xunta en Lugo, José Manuel Balseiro, fixo hoxe balance dos programas destinados a este fin, que suman en concreto 2.277.700 euros e propiciaron a contratación de 247 persoas ademais do mantemento dos postos de traballo en 17 centros especiais de emprego.
O groso do investimento corresponde a contratos por conta allea realizados ao abeiro dos programas de apoio á contratación de xente moza, mulleres, parados de longa duración e persoas con discapacidade. Igualmente, promóvese o emprego en cooperativas e a responsabilidade social empresarial, fomentando medidas de conciliación e de igualdade nas empresas.
O delegado subliñou que a Xunta convoca anualmente este tipo de liñas de axuda “para incentivar a creación de emprego nas empresas, prestando especial atención aos colectivos con máis dificultades de inserción e apostando por fórmulas como o cooperativismo”.
Na mesma liña, engadiu que o obxectivo é “crear emprego de calidade, primando a contratación indefinida e impulsando a responsabilidade social das empresas para que invistan en medidas de flexibilidade, conciliación e igualdade, entre outras”.
En detalle, o programa con máis achegas foi o destinado a fomentar a contratación de mulleres desempregadas, con 62 axudas que sumaron 490.000 euros de orzamento. Inclúe dous tipos de axuda compatibles: un bono que subvenciona a contratación indefinida inicial, a contratación temporal cunha duración inicial mínima de 12 meses, ou a transformación de contratos temporais en indefinidos, e outro bono de formación para as mulleres contratadas por medio desta orde.
A segunda liña de axudas, por volume de solicitudes, é a de fomento do emprego e formación de persoas menores de 30 anos, que distribuíu na provincia de Lugo 208.500 euros entre 43 expedientes. O programa para incentivar a contratación de parados de longa duración suma 291.500 euros para 26 expedientes, e o de fomento da contratación de persoas con discapacidade rexistrou 32 axudas que suman 272.000 euros.
A Xunta tamén apoia aos centros especiais de emprego, empresas que teñen como finalidade asegurar un emprego remunerado para as persoas con discapacidade. Destináronse 594.700 euros a 17 empresas que teñen esa consideración e, ou ben son da provincia ou dispoñen de centros de traballo en Lugo.
Polo que respecta ao fomento do emprego nas cooperativas, este programa rexistrou achegas por importe de 346.800 euros en 53 expedientes, a práctica totalidade para a incorporación de novos socios.
Por último, 14 empresas recibiron achegas para a inclusión de boas prácticas relativas á conciliación, medidas de igualdade e de mellora da responsabilidade social empresarial. As axudas alcanzan os 74.200 euros.
Distribución territorial
Unha boa parte das axudas concéntranse na comarca de Lugo, e en concreto no concello da capital. Así, Lugo asume 813.900 euros e 91 expedientes (70 deles na capital cun importe de 611.800 euros).
As comarcas do Sur (Lemos, Quiroga e Chantada) alcanzan os 48 expedientes e 299.500 euros de orzamento. A Mariña rexistra 32 expedientes e 276.000 euros. A Terra Chá suma 23 expedientes e 171.100 euros. E Sarria 10 expedientes e 107.300 euros.
Tamén se rexistran achegas noutros concellos da provincia, e mesmo hai 9 expedientes, que suman investimentos por valor de 364.500 euros, que corresponden a empresas con centros de traballo na provincia pero sede social en cidades como Santiago de Compostela, Madrid, A Coruña, Gijón ou Vigo.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
