Ribadeo, 08 de xaneiro, 2020. O Grupo Municipal do PP de Ribadeo censura que o Goberno local continúe “restándolle e quitándolle” servizos aos cidadáns de Ribadeo. Desta volta, coa eliminación da recollida de lixo os días festivos, que planea levar a cabo. Trátase, segundo apunta a edil Elena Sierra, “dalgo inexplicable”, que resposta a “unha decisión unilateral de Fernando Suárez e que é máis criticable aínda se se ten en conta que o servizo actual deixa moito que desexar”. E é que son varias as ocasións nas que os colectores están a rebosar, acumulándose así importantes cantidades de residuos inas beirarrúas; o que provoca, primeiro, “unha imaxe deplorable da vila e, segundo, a creación dun foco de insalubridade”.
“O equipo de goberno ten unha virtude, a de demorar no tempo os problemas, actuando finalmente tarde e mal. As incidencias na recollida son continuas. Iso sabémolo e vémolo todos. E agora o asunto non só non mellora senón que empeora coa supresión da recollida os festivos”. Por este motivo, Sierra considera que a medida que prevé implantar o Concello é “unha clara irresponsabilidade dos seus dirixentes”.
Responsables políticos que non están á altura
“Se os responsables políticos non están á altura de dar solucións acordes ás situacións, é mellor que abandonen as súas responsabilidades. O que non pode ser é que o servizo xa sexa malo, por non dicir que moi malo, é agora aínda o agraven deixándonos sen recollida os festivos”. Para a popular gobernar non é eliminar prestacións, “é xestionar de forma que se poida facer máis con menos, priorizando aquilo que non prexudique á cidadanía e ao desenvolvemento do municipio”.
Tal é así que, tal medida, pon de relevo tamén que o concelleiro de Medio Ambiente “non está só sobrepasado, senón que non está lexitimado para dirixir esta área, ao crear con ela un malestar constatable na poboación”. É por isto, polo que Sierra se dirixe directamente a Fernando Suárez e lle pide que “repense a decisión”, co fin de evitar “un caos” que, lamentablemente, di, repercutiría nunha mala imaxe para o pobo e para o turismo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
