Ribadeo, 09 de xaneiro, 2020. O Grupo Municipal do PP de Ribadeo veise na obriga de criticar publicamente, unha vez máis, a xestión do Goberno local no que as infraestruturas viarias de Concello se refire. Ao igual que en días pasados demandou actuacións urxentes na estrada dos Garitos, hoxe o voceiro Daniel Vega desprazouse ata Ove, onde a estrada presenta un firme notablemente deteriorado que, sumado ás fochancas existentes, constitúe un risco para os usuarios da mesma.
É, por este motivo, polo que dende este Grupo consideran “prioritario” que a entidade local ten que actuar “con celeridade” neste vial. Asemade, Daniel Vega, e en aras de facer unha oposición construtiva e útil aos ribadenses, demanda ao equipo de goberno “unha planificación concreta respecto da mellora das vía municipais e non baixo improvisacións ou ao azar”.
“Que o Concello ten que arranxar esta vía non é algo que diga o Partido Popular. É algo que demandan os veciños. Como membros da Corporación o que pedimos é que os nosos dirixentes cumpran coa súa responsabilidade, que non é outra que a de dotar ao municipio de servizos e manter os existentes en boas condicións”, afirma Vega.
Os populares recollen así “o sentir” da veciñanza, trasladando ao Goberno local esta petición que agardan, di o voceiro do PP, “se materialice no menor tempo posible, xa que, do contrario, o seu deterioro será cada vez maior e as posibilidades de que se produzan saídas de vía ou incluso danos nos vehículos, tamén aumentarán”.
Daniel Vega urxe ao Concello o arranxo inmediato da estrada de Ove
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O programa Nnabata atende 139 persoas migrantes en Burela no marco do proceso de regularización
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
