Ribadeo, 14 de xaneiro de 2020. Acisa Ribadeo convoca aos seus socios á asemblea xeral ordinaria que se celebrará o 30 de xaneiro. Terá lugar no salón de actos da antiga casa sindical, na Avenida de Galicia 20-baixo, ás 20:30 horas.
O presidente de Acisa Ribadeo, Francisco Iriarte, declarou que “tras o sorteo da IX Festa do Comercio, que para nosoutros é o peche do ano, tal e como marcan os nosos estatutos, acabamos de convocar a todos os socios e socias á celebración da asemblea xeral, o máximo órgano da nosa asociación, onde se valora o traballo realizado e planifícase o previsto para o novo ano”.
O xerente da Asociación de Comerciantes, Industriais, Servizos e Autónomos, Jesús Pérez, sinalou que “a orde do día consta de once puntos e os cinco primeiros son a lectura da acta da última sesión, a aprobación das contas do exercicio 2019, a valoración de actividades do pasado ano e as propostas para o 2020, a aprobación do presuposto para 2020 e o informe do calendario comercial e dos horarios de hostalería. Como ven sendo habitual tamén se informará da celebración da gala anual de Acisa”.
Pérez adiantou que “tamén se someterán a debate dúas novas propostas para este ano sobre as políticas de devolución de artigos e a promoción e fomento dos barrios mariñeiros. Son dúas propostas novidosas que o presidente quere presentar aos socios e someter a debate. No caso dos barrios mariñeiros, podemos adiantar que é un proxecto no que estamos traballando e que tratará de potenciar o conxunto de Rinlo e o porto deportivo como referentes gastronómicos, así como a súa beleza, sendo visita indispensable para os turistas que ano tras ano se achegan a Ribadeo”.
O presidente de Acisa, Francisco Iriarte, explicou que “a proposta sobre as devolucións de artigos converteranos en referente probablemente en toda Galicia e trata de equipararnos e competir en igualdade de condicións coas grandes superficies e o comercio online. A proposta é que os comercios devolvan o diñeiro en efectivo aos seus clientes cando fagan unha devolución”.
Pérez engadiu que “somos conscientes de que é un tema que pode xerar diferenza de opinións entre os socios, de aí que decidimos presentalo como proposta a someter a debate e votación. Na asemblea explicaremos detidamente como queremos levar adiante esta iniciativa. Este ano ademais incluímos un punto na orde do día para abordar especificamente as axudas ás diferentes asociación ou entidades de Ribadeo, comisións de festas e clubs, co fin de que quede perfectamente definida a liña de traballo para todo o ano”.
Iriarte anunciou que “tal e como mandan os estatutos vanse convocar eleccións para renovar a xunta directiva, na asemblea daremos conta do proceso e das datas. Creo que é moi importante que asistan todos os socios á asemblea anual, aí é onde poden propoñer o que desexen así como dar a súa opinión do traballo feito. Ademais este ano vanse tratar temas importantes polo que, desde hoxe, a presidencia de Acisa está á súa disposición para recibir todos os asuntos que se queiran abordar nesta asemblea, e incluílos na orde do día”.
Acisa Ribadeo convoca aos seus socios á asemblea xeral ordinaria que se celebrará o 30 de xaneiro
Relacionado
-
O PSdeG de Xove reclama accións urxentes polo po en suspensión procedente da balsa de Alcoa
-
Rinlo acollerá o 1 de agosto unha nova edición da Festa do Percebe cun operativo de transporte e seguridade reforzado
-
Lourenzá acolle este mércores a actividade “Xogando a aprender: Seguridade Viaria” na Praza do Conde Santo
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
