Ribadeo, 16 de xaneiro de 2020. A Asociación de Profesores de Automoción de Galicia (APAGA) continúa este sábado, 18 de xaneiro, coas súas fins de semana tecnolóxicas. Ribadeo acollerá a finais deste mes unha reunión transnacional na que participarán 25 profesores de diferentes países europeos e na que se abordará o proxecto, que coordina a asociación, sobre o vehículo eléctrico.
O presidente de APAGA, Álvaro Doural, anunciou que “imos empezar coas actividades de 2020 este sábado, xornada na que vai haber un curso de pintura de nivel II. Xa houbo o nivel I, tivo moito éxito, e a propia xente que estivo solicitou outro curso de máis nivel. O día 25 imos volver repetir un curso, que xa se fixo, de manexo de osciloscopio. O día 8 de febreiro teremos un curso de hidráulica, que está en fase de presentación de solicitudes”.
Doural subliñou que “este ano vai ser bastante intenso a nivel de Erasmus+. A finais deste mes vai haber unha reunión transnacional dun proxecto que temos de innovación que leva APAGA, empezou en Zagreb fai uns meses, e vai durar toda a semana. Vai haber profesores de Romanía, Lituania, Italia, Portugal, Turquía e Croacia, coa temática que se está traballando que é a do vehículo eléctrico. Será un grupo de 25 profesores. Esta xuntanza vaise celebrar na Granxa Escola Pedro Murias. Creo que a experiencia deste ano do VIII Fórum foi moi boa. O sitio é formidable e o persoal vólcase con este tipo de actividades. Creo que é un lugar onde se está moi a gusto e nós podemos poñelo en valor e que teña máis visibilidade da que ten neste momento. Tamén a finais de febreiro haberá un curso de climatización, que está aínda sen presentar”.
O presidente de APAGA engadiu que “a partir de febreiro imos empezar tamén a desubicar un pouco os cursos de Ribadeo e imos comezar a utilizar outras poboacións como Coruña, cidade na que está bastante avanzado o tema, e tamén en Pontevedra, onde posiblemente vamos empezar xa. Estamos abertos a outro tipo de situacións aínda que en Ribadeo seguirá habendo un potencial importante a nivel de formación e doutro tipo de actividades”.
Álvaro Doural adiantou que “se vai crear ademais un seminario permanente de apoio aos socios ou a aquelas persoas ás que lles interese. Este ano é un ano de oposicións e vaise crear un seminario para apoiar a esta xente que está preparando as oposicións da nosa familia profesional de transporte e mantemento de vehículos. É unha cousa absolutamente novidosa. Estará dirixido por expertos de empresa e nalgún caso profesores, pero principalmente por expertos de empresa que veñen aportar o seu coñecemento que é importante”.
Finalmente o presidente de APAGA contou que “se está traballando neste momento xa nas convocatorias 2021 de Erasmus+ tanto de mobilidade como de innovación. Están sendo días de moito traballo e moi intensos”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
