Madrid, 22 de xaneiro, 2020. O PP apoia decididamente aos traballadores de Alcoa na concentración convocada hoxe diante do ministerio de Transición Ecolóxica e do Congreso dos deputados. Tal é así que o vicevoceiro do Grupo Provincial, Javier Castiñeira, e os alcaldes de Cervo, Xove e O Vicedo, Alfonso Villares, Demetrio Salgueiro, e Jesús Novo, respectivamente, acompañaron dende a Mariña aos afectados que partiron dende esta zona en autobús cara a capital de España para reclamar ao Goberno a aprobación do estatuto electrointensivo, e garantir así a produción de Alcoa San Cibrao, así como os empregos existentes. Á concentración, sumáronse tamén José Manuel Balseiro e o senador José Manuel Barreiro que xa se atopaban en Madrid co gallo da celebración de Fitur.
Javier Castiñeira destaca a necesidade de que o Executivo de Sánchez “deixe de mentir”, pois esta anunciou que no primeiro Consello de Ministros se aprobaría o ansiado documento, pero “a día de hoxe, e, por tanto, nin no primeiro, nin no segundo, se aprobou”.
Ata agora os socialistas xustificaban a súa inacción en que o Goberno estaba en funcións para non desenvolver este documento que sería a solución para que desaparecese a ameaza de peche que pesa sobre a factoría mariñá dende hai meses. Pero o certo é que o reparto de áreas xa está realizado dende hai semanas e o único que ofreceu o Executivo foi, novamente, unha declaracións de intencións sen concretar as medidas que prevé levar a cabo, nin os prazos das mesmas.
“Para a Mariña Alcoa é irrenunciable. Por iso, quixemos acompañar aos traballadores que xa non se conforman con promesas. Estamos nun momento crítico. É necesario que se fixe un prezo xusto para a enerxía, pois nin se aprobou o estatuto, nin se tiveron en conta as medias complementarias propostas pola Xunta de Galicia”, manifesta Castiñeira.
Apoio constante do PP
Coa presenza de Javier Castiñeira, os alcaldes, Balseiro e Barreiro, o Partido Popular continúa co seu apoio constante aos traballadores de Alcoa. Tal é así, que distintos cargos institucionais e orgánicos veñen participando activamente en todas as concentracións convocadas polo comité de empresa. Ademais, os populares presentaron mocións nos Concellos da Mariña, así como no Parlamento de Galicia, no Congreso dos Deputados, no Senado e na Deputación, instando ao Goberno Central e ao Partido Socialista a que deixe de “poñerse de perfil” e garanta a continuidade da multinacional.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
