Ribadeo, 31 de xaneiro de 2020. Remata hoxe en Ribadeo a xuntanza formativa do proxecto europeo Inclusión e Empregabilidade mediante a Tecnoloxía do Vehículo Eléctrico, que coordina APAGA (Asociación de Profesores de Automoción de Galicia). A responsable do proxecto, Beatriz Fernández, fai un balance moi positivo das xornadas de traballo desenvolvidas en Ribadeo e que terán continuidade en marzo en Italia. Preto de 30 profesores de sete países se deron cita no centro Pedro Murias, procedentes de Romania, Lituania, Italia, Portugal, Turquia, Croacia e diferentes puntos de España. Ademais da actividade formativa tamén aproveitaron para coñecer distintos puntos da Mariña como Ribadeo ou Mondoñedo, e de Asturias como Taramundi. Todos quedaron sorprendidos coa gastronomía, coa beleza paisaxística e co trato da xente e moitos xa están pensando en vir de vacacións.
Beatriz Fernández dixo que “o balance é moi positivo porque todos acadamos os coñecementos que eran necesarios para desenvolver agora a nosa tarefa tanto sobre as conexións Passthur como sobre o deseño e a impresión de modelos 3D para poder aplicar nos elementos do vehículo eléctrico que estamos a traballar. A colaboración do profesorado tamén foi excepcional e a implicación de todos os compañeiros doutros países tamén así que o balance sempre é positivo”.
A responsable deste proxecto europeo, coordinado por Apaga, comentou que “para os participantes foi unha sorpresa descubrir toda a comarca da Mariña. Non tiñan nin idea da riqueza cultural, gastronómica e arquitectónica que ten esta zona, así que as visitas culturais que se organizaron pola tarde, tanto aquí en Ribadeo como na zona de Mondoñedo ou onte, por exemplo, que acudimos a Taramundi, para eles foron sorpresas moi gratas. Quedaron fascinados por todo este entorno natural que descubriron e, sobre todo, do trato coa xente, da calidez da xente, como os recibiu, como compartiron con eles todas as experiencias, os coñecementos que foron adquirindo ao longo dos anos de vivir nestas terras. A maioría están dispostos a volver aquí, a compartir polo mundo adiante a boa experiencia que tiveron aquí, e esperamos que así sexa, que nun futuro inmediato regresen aquí non soamente para vir a traballar senón para disfrutar da comarca”.
Beatriz Fernández anunciou que “a vindeira xuntanza imos facela no mes de marzo, na segunda ou terceira semana de marzo, será na zona de Brescia, en Italia. Alí esperamos reunirnos xa os equipos ao completo, así que para entón empezaremos traballar dende agora, para seguir mellorando nos contidos deste proxecto que esperamos que chegue a bo porto a finais de 2021”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
