Ribadeo, 4 de febreiro de 2020. O Concello está a realizar obras de consolidación dun noiro (talud) na praia dos Bloques. Alí produciuse un desprendemento hai unhas semanas e agora estase a actuar nesa zona. O investimento ascende a 16.000 euros e a actuación fíxose a través dun procedemento de emerxencia, segundo explicou o alcalde, Fernando Suárez. A obra foi adxudicada a Construcións O Chispa SLU.
O rexedor contou que “estamos nestes días iniciando estas obras de consolidación e protección deste noiro (talud), na praia dos Bloques, despois de que hai poucas semanas caera un ribazo de terra, concretamente había un carballo que nacía de maneira oblicua. Con tanta auga que caeu, durante unhas semanas atrás, houbo un desprendemento de terra con pedras, e quedou ese noiro un tanto inestable”.
Suárez Barcia sinalou que “a intención do Concello de Ribadeo foi dirixirse a Costas, ao Ministerio, para que nos botasen unha man, e finalmente non puido ser así, din que eles non teñen as competencias. Ao final os Concellos somos a administración máis pequena e somos quen temos que acabar pagando o pato de todas as competencias. Ter competencias e non ter recursos é complicado”.
O alcalde de Ribadeo explicou que “habilitamos unha partida económica que nos supón uns 16.000 euros e a través dun procedemento de emerxencia, porque non queremos ter ningún problema co paso público de persoas que usan esta praia dos Bloques, agora non se nota moito porque é inverno, pero cando chegue a época estival non queremos ter ningún problema con este paso peonil cheo de terra. Polo tanto eliminamos todo isto, coa autorización tamén de Costas, estamos refacendo un muro de contención, cunhas dimensións xenerosas tanto de alto como de ancho, para estabilizar e evitar maiores problemas a todos os usuarios desta praia. Así que cando veñen aquí na primavera ou no verán atoparán esta zona rexenerada, que é o que se trata, evitar posibles problemas futuros”.
Fernando Suárez e o concelleiro de Medio Ambiente, Jorge Díaz, supervisaron esta mañá eses traballos.
O Concello de Ribadeo leva a cabo as obras de contención nun noiro na praia dos Bloques
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
