Burela, 21 de febreiro de 2020. No pleno extraordinario, celebrado onte no Concello de Burela, foi aprobado un recoñecemento extrajudicial de crédito por importe de 87.000 euros. O alcalde, Alfredo Llano, subliña que este é un mecanismo que empregan todos os Concellos para facer fronte a facturas que non entraron no rexistro en decembro de 2019 ou a algunhas, que por diversos motivos, variaron o seu importe. O rexedor asegura que non hai desfeita algunha na xestión económica do Concello burelés.
Llano explicou que “onte tivemos un pleno extraordinario no que se tratou un expediente de recoñecemento extraxudicial de crédito, que é un instrumento que teñen todos os concellos para conformar e darlle validez a aquelas facturas que non puideron entrar no exercicio económico correspondente. Péchase o orzamento de todos os Concellos o 31 de decembro e resulta que hai moitas facturas que non chegan no seu momento, que veñen no ano seguinte, hai outras que superan a partida que se tiña para efectuar eses pagos concretos de determinados servizos ou do que corresponda que se fixeron e polo tanto hai que recoñecelas”.
O alcalde burelés sinalou que “polo tanto o que se fixo onte, como se fai en todos os Concellos do país, é un instrumento necesario derivado daquelas circunstancias que non entraron nos orzamentos do exercicio que corresponda. Así que non hai tal desfeita, nin moito menos. As Intervencións fan os reparos correspondentes porque dalgunha forma non se corresponden coa normalidade orzamentaria. Por exemplo se hai que pagar unha factura, por traballos recoñecidos, loxicamente, que supera unha determinada cantidade que xa non se pode recoller polo que había previsto, evidentemente ten que pagarse, pero hai que recoñecela con respecto ao orzamento do ano seguinte”.
O rexedor insistiu que “isto é algo normal e por tanto non é que existan desfeitas nin que se fixeran as cousas mal no Concello senón que isto é un instrumento que utilizan todos os Concellos necesariamente porque son recoñecementos de traballos, de servizos, de materiais, …; todo aquilo que corresponde a actividade normal dun concello e que hai que facer dunha maneira ou doutra”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
