Foz, 27 de febreiro, 2020. Desde o 28 de febreiro ata o 20 de marzo, a exposición en itinerancia ‘Somos migrantes: abrimos camiños’ (Culturas en diálogo) vai permanecer aberta na Casa da Cultura ‘Poeta Manuel María’ de Foz. Un proxecto da Rede Museística Provincial, coordinado por Encarna Lago, guiado polos principios da museoloxía social e do diálogo intercultural, en colaboración coa asociación de Inmigrantes e Retornados Rioplatenses en Lugo e coas entidades socioculturais e institucións locais.
Esta mostra, que pode visitarse en horario de 08:30 a 14:30 h. e de 17:00 a 20:00 h., de luns a venres, ten como obxectivo poñer en valor os testemuños, en clave intercultural, das relacións entre diferentes xeracións, fomentando a creación multidisciplinar e a participación social de todos os colectivos implicados.
CULTURAS EN DIÁLOGO vénse desenvolvendo desde 2014 nos diferentes museos da Rede Museística da Deputación de Lugo coa colaboración de asociacións e persoas vencelladas a diferentes actividades artísticas e culturais de ambas beiras do Atlántico.
Actividades complementarias
28 de febreiro, ás 12:00h.-Charla sobre a emigración galega no CEIP Nº1 de Foz. Presentación do obradoiro “Somos migrantes, abrimos camiños”.
2 de marzo, ás 16:30h.- No IES Foz, conferencia “Galiza: emigración, memoria e identidade. Imaxinario e estereotipos da diáspora galega a América”, impartida por Silvia Fiallega Lorenzo.
3 de marzo, ás 12:00h.- Na Casa da Cultura ‘Poeta Manuel María’ de Foz, obradoiro “Somos migrantes, abrimos camiños” cos alumnxs do CEIP nº 1 de Foz e visita á exposición “Somos migrantes, abrimos camiños. Culturas en diálogo” con Encarna Lago, xerente da Rede Museística da Deputación de Lugo
13 de marzo, ás 20:00h.- Na Casa da Cultura ‘Poeta Manuel María’ de Foz, conferencia “Galiza: emigración, memoria e identidade. Imaxinario e estereotipos da diáspora galega a América”, impartida por Silvia Fiallega Lorenzo.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
