Viveiro, 29 de febreiro de 2020. O Concello de Viveiro adheriuse ao proxecto ‘Gira Mujeres’, unha iniciativa para dar formación e mellorar a empregabilidade de desempregadas e emprendedoras.
O proxecto, cofinanciado por The Coca-Cola Foundation coa colaboración da Deputación de Lugo, chegará a varios concellos da provincia, entre eles Viveiro os días 16 e 17 de marzo.
Nesas dúas xornadas, todas aquelas mulleres interesadas recibirán formación a través de varios obradoiros gratuítos, impartidos con metodoloxías participativas en orientación laboral, sensibilización emprendedora e innovación empresarial.
“Como concello, aínda que non temos competencias en materia de emprego, estamos na obriga de impulsar e apoiar todas aquelas iniciativas destinadas a mellorar a formación e impulsar a empregabilidade dos nosos veciños e veciñas”, afirma a alcaldesa, María Loureiro.
“Neste caso, ademais, é unha iniciativa para mulleres, polo que é importante na busca doutro obxectivo prioritario para este grupo de goberno, como é a igualdade real”, engade.
Os obradoiros serán en horario de mañá e tarde na sala multiusos do concello. Para apuntase ou ampliar información, as interesadas poden entrar na web https://preinscripcion.giramujeres.com/alma. Tamén poden chamar ou escribir un whatsapp ao teléfono 644 745 184.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
