NOTA DE PRENSA:
Presentarán mocións municipais promovendo o cambio de obxectivos destas oficinas de tal xeito que non se limiten a facer estatísticas, como ata o de agora, senón que intermedien con empresas na loita contra o paro
O PP DA MARIÑA RECLAMARÁ A REFORMULACIÓN DO PACTO TERRITORIAL DE EMPREGO PARA QUE AXUDEN AOS CONCELLOS Á CREACIÓN POSTOS DE TRABALLO
* Postos en marcha polo bipartito en 2008, malia que contan cun orzamento bianual de 322.000 euros e 5 técnicos-especialiastas, non foron quen de facilitar a contratación de ningún desempregado en todo este tempo.
A Mariña, 17 de abril de 2010.- Os populares reclamarán a reformulación do Pacto Territorial de Emprego da Mariña –cuxo ámbito de actuación son todos os concellos da nosa comarca, máis Riotorto e Muras- de tal xeito que os equipos técnicos que os compoñen axuden aos concellos na complicada tarefa de crear novos postos de traballo. Con esta finalidade, desde o PP comarcal presentarán mocións municipais promovendo o cambio de obxectivos destas oficinas, de tal xeito que non se limiten a facer estatísticas, como ata o momento, senón que intermedien dun xeito activo coas empresas e poñan en marcha estratexias de loita contra o paro.
Malia que o Pacto Territorial de Emprego da Mariña naceu no ano 2008 co bipartito, a pesares de que contan cun orzamento bianual achegado pola Xunta que supera os 322.000 euros e cun cadro de persoal de 5 técnicos especialistas, non foron quen de facilitar a contratación de ningún desempregado en todo este tempo na nosa comarca. Este notable fracaso, certificado en sede parlamentaria polo actual director xeral de Promoción do Emprego, quen tamén adiantou a necesidade de reformulalos, preocupa seriamente aos populares polo que urxen a necesidade de impulsar as modificacións oportunas para que deixen de ser uns chiriguitos e de verdade axuden a reducir o número de parados.
Finalmente os populares da Mariña tamén amosaron a súa sorpresa porque o actual presidente da asociación impulsora deste pacto, o socialista Alfredo Llano defenda a continuidade do modelo actual do Pacto de Emprego malia que á vista dos resultados foi un notable fracaso. Intúen que esta defensa ten por obxecto xustificar a contratación dunha edil do seu partido, a través dun tribunal presidido polo propio Llano, máis lamentan que non estea pola labor de modificar o seu funcionamento de tal xeito que poidan beneficiarse do mesmo non só cinco os técnicos que traballan na oficina de Foz, senón tamén todos os que neste momento están desempregados e buscan un traballo.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
