Compostela, 15 de marzo de 2020. “O coronavirus non pode ser o escenario no que os máis vulnerables, os máis fráxiles queden atrás. Gobernamos para garantir que todos vaiamos xuntas e adiante. Ese é o noso compromiso e para iso estamos no goberno”.
Galicia en Común-Anova Mareas esixirá mañá ao presidente en funcións da Xunta, Alberto Nuñez Feijóo, unha nova batería de medidas urxentes de reforzo dos servizos básicos na loita contra o coronavirus como o incremento dos equipos de probas de detección para asegurar o seu alcance no conxunto do territorio galego e o reforzo da atención telefónica preventiva.
Así o proporá o noso candidato, Antón Gómez-Reino, na xuntanza prevista este luns 16 entre o presidente en funcións e o resto de líderes das formacións políticas galegas nun contexto moi complexo ante as vindeiras semanas que nos agardan, e que será decisivas neste combate común contra a pandemia.
Gómez-Reino esixirá da Presidencia en funcións da Xunta unha proposta inmediata de programas e medidas para complementar as xa adoptadas polo Goberno do Estado, a fin de facer fronte ao impacto que o coronavirus vai ter na economía galega, nas traballadoras e traballadores do país, afectados por unha situación tan inédita como extraordinaria a que temos que sobrepoñernos xuntas e reforzarmonos como sociedade.
A pandemia do coronavirus e o seu impacto económico e social márcanos un reto inaprazable: protexer o emprego dos despedimentos masivos, defender ás persoas autónomas que xeran emprego e que precisan de medidas de protección para non verse na disxuntiva de despedir aos seus ou ver arruinados os seus negocios.
Neste contexto, Galicia en Común–Anova Mareas tamén esixírá ao Goberno do Estado que tome medidas no Consello de Ministros do vindeiro martes que garantan os postos de traballo que se verán afectados polo impacto do coronavirus, a viabilidade das PEMES e a afectación aos autónomos.
“É o momento protexer, desde o público, a todas as capas sociais. A sanidade pública, a educación, os servizos públicos, en xeral, son paradigma das nosas vidas e tamén o mellor exemplo. Fagamos valer o público, o común, fronte aos que se esforzaron longo tempo en destruilo e denigralo”, manifestou Gómez-Reino.
Galicia en Comun Anova Mareas será sempre o garante de que esta crise, con nome de pandemia, non vai ser pagada esta vez polas maiorías sociais. Reiteramos a nosa posición, a vista do complexísimo escenario actual, de procurar o consenso para adiar as eleccións do 5 de abril e facelo de común acordo co resto das formacións políticas que concorren ás mesmas e cuxas candidaturas xa foron ratificadas.
Nese sentido, Gómez-Reino proporá mañá que, de acordarse o adiamento electoral, sexa esa mesma mesa de partidos a que mediante un novo acordo poida, no futuo, activar novamente no proceso electoral no escenario axeitado.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
