Santiago de Compostela, 23 de Marzo 2020. “O BNG está centrado no fundamental: salvar vidas. O resto, sendo moi importante pasa a un segundo plano e mentres a curva siga escalando na debemos dar o mellor e actuar coa máxima contundencia deixando de lado outras consideracións”. A portavoz nacional, Ana Pontón, arrancou a súa comparecencia telemática con esta declaración, antes de explicar a batería de medidas remitidas ao Goberno galego nun detallado documento de 18 folios co obxectivo de loitar contra a pandemia.
Pontón, que convidou a aprender das experiencias eficaces doutros países como China ou Corea, salientou que nada pode estar por riba da saúde pública. “Non é admisible que a pesar da gravidade extrema da situación se prime o centralismo sobre a eficiencia sanitaria, non é admisible que se primen intereses económicos sobre a saúde e a seguridade das persoas e non é admisible que non se rectifique o que non funciona, nin se use a crise para intereses partidistas”, salientou.
En base a esa experiencia e “co ánimo de aportar”, o BNG propón unha ampla batería de medidas sintetizadas en seis liñas de actuación: pechar aqueles lugares que son foco do virus para evitar que sigan actuando como difusores da pandemia, parar toda a actividade económica non imprescindible, realización de test masivos, reparto masivo de equipos de protección, plan de choque nas residencias de maiores e preparación das infraestruturas complementares que sexan precisas.
“É certo que se reduciu a mobilidade, pero non está garantido o 100% e urxe facelo para minimizar o risco de propagación”, explicou Pontón. As probas masivas tamén demostraron a súa eficacia no caso de Corea e no ámbito económico o BNG insiste en parar todo o que non sexa esencial. “O presidente do Estado facía onte mesmo unha afirmación que é certa: quedar na casa salva vidas. Sen embargo, hoxe miles de persoas teñen que ir a traballar en servizos non esencias”, alegou sinalando a contradición. “O tempo de medidas a medio gas, se existiu, xa pasou e os intereses económicos de empresas non poden estar por diante da saúde das persoas”, afondou.
A favor de ampliar o estado de alarma
En relación ao problema de abastecemento de material sanitario por parte do Estado, o BNG volve denunciar que a centralización da competencia de sanidade estase demostrando ineficaz, polo que vai pedir no Congreso que Galiza recupere todas as competencias nesta materia, “e para esperamos contar co apoio dos deputados e deputadas do PPdeG”, indicou. O Bloque vai trasladar esta proposta aproveitando o pleno convocado para aprobar a ampliación do estado de alarma, medida que a formación nacionalista comparte.
Pontón tamén fixo fincapé en sumar esforzos para conseguir o material necesario. “Se hai un problema de abastecemento desde o Estado a resposta non pode quedarse en mera denuncia, hai que preguntarse que podemos facer desde aquí como goberno, sumar esforzos entre administracións. Se hai empresas privadas capaces de comprar material ninguén entendería que un goberno non teña esa capacidade. Insisto, sumar entre administracións para conseguir por todos os medios o material necesario para que o persoal sanitario, o persoal de servizos sociais teña poida loitar contra o virus coa máxima seguridade”, explicou.
Ter en conta o envellecemento
En relación á situación das residencias de maiores, o BNG propón un plan de choque que pasa por realizar o test do coronavirus ao 100% das persoas residentes e dos e das traballadoras, así como a intervención pública das residencias privadas, tendo en conta que arredor de 17.000 son privadas ou concertadas fronte as 4.000 públicas. “E desde logo, hai que esixir ao Goberno do Estado que no reparto de fondos extraordinarios se teña en conta o elevado envellecemento da poboación en Galiza”, demandou.
Pontón rematou a comparecencia reiterando o agradecemento a todas as persoas que están en primeira liña, mesmo arriscando a súa seguridade, en beneficio da maioría social. Volveu trasladar a solidariedade do BNG coas familias que perderon algún ser querido e tamén mandou palabras de alento para a cidadanía daqueles territorios especialmente afectados pola pandemia, -Madrid, A Rioxa ou Victoria-Gasteiz-, e para os galegos e as galegas que están fora do país.
Igualmente, volveu trasladar ao Goberno galego “todo o apoio do BNG en todas aquelas medidas que podan axudar a combater o virus e a saír da crise. É momento de sumar, de colaborar, de aportar e nesas está o BNG”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
