NOTA DE PRENSA
A deputada popular Emma Álvarez Chao criticou hoxe a “demagoxia da deputada socialista Sonia Verdes que ven a mentir, a alarmar aos nosos produtores de leite e a intentar lavar a cara do PSOE en base a falsas acusacións coa única intención de desgastar ao goberno da Xunta de Galicia”
O PPDEG INSISTE EN QUE A DISTRIBUCIÓN DAS NOVAS AXUDAS DA PAC FORON DECIDIDAS UNILATERALMENTE POLO GOBERNO CENTRAL
* Álvarez Chao recalcou que a Orden que desenrola a Xunta non pode contradicir o Real Decreto publicado polo Ministerio, que decidiu unilateralmente compensar tan só as zonas desfavorecidas da alta montaña e non as zonas con agricultura economicamente vulnerable, a pesares de ser solicitado pola Consellería, e con limitacións específicas para a produción de leite como é a Mariña lucense
* O PPdeG recorda que o chequeo médico da PAC se xestou na etapa bipartita na Xunta de Galicia e coincidindo con gobernos socialistas na Xunta e no Goberno central
A Mariña, 19 de abril de 2010.- A deputada do PPdeG Emma Álvarez Chao insistiu hoxe en rolda de prensa que a distribución das novas axudas da Política Agraria Común (PAC) foron decididas unilateralmente polo Goberno central. Deste xeito Álvarez Chao criticou a “demagoxia da deputada socialista Sonia Verdes que ven a Mariña a mentir, a alarmar aos nosos produtores de leite e a intentar lavar a cara do PSOE en base a falsas acusacións coa única intención de desgastar ao goberno da Xunta de Galicia”. Criticou que os socialistas se atreveran a dar datos concretos das axudas xa que hoxe en día son imposibles de confirmar “posto que está falando dunha axuda cun importe de 40,2 millóns de euros para repartir entre toda España e que se fará tendo en conta o número de cabezas contabilizado a 30 de abril”.
Segundo a deputada popular estas axudas, establecidas no Real Decreto 66/2010 de 29 de xaneiro, para a súa aplicación nos anos 2010 e 2011, son para compensar as desvantaxes específicas que afectan aos agricultores do sector lácteo en zonas desfavorecidas pola poboación ou pola alta montaña xa que así o decidiu, unilateralmente, o Ministerio de Medio Ambiente. Álvarez Chao recordou que dende a Consellería de Medio Rural, a nacionalista e a actual, púxose de manifesto o desacordo a que se fixera deste xeito pero o Goberno central non tivo en conta estas peticións. Deste xeito, para o PPdeG na proposta para este sector se tiveron en conta as desventaxas derivadas da ubicación das explotacións leiteiras en zonas economicamente vulnerables pero non se contemplaron desventaxas do tipo de agricultura economicamente vulnerable que se practica noutras zonas distintas das de montaña, desfavorecidas pola despoboación ou con limitacións específicas para produción de leite como é a Mariña lucense.
Dende a Consellería de Medio Rural, indicou a deputada popular, propúxose que se tivera en conta este aspecto e que puideran ter acceso as axudas neste Real Decreto as explotacións con base territorial suficiente para a alimentación do gando, na que a porcentaxe de pastos sobre a superficie forraxeira total sexa superior a un porcentaxe a determinar, próximo ao 60%.
Segundo Álvarez Chao a orde da Consellería de Medio Rural de 22 de febreiro do 2010 pola que se regulan os pagamentos directos á agricultura e á gandería no ano 2010 ten que axustarse por lei ao establecido no Real Decreto citado, polo tanto “a decisión de non ter en conta nestas axudas ás explotacións de zonas distintas das desfavorecidas é decisión única e exclusiva da Administración Central, que pon de manifesto a súa falla de sensibilidade” .
Para a deputada popular “compre recalcar e deixar ben claro que ás explotacións de leite non se lle recortan as axudas que viñan cobrando da PAC, esta é demagoxia típica da voceira socialista, estamos a falar de axudas novas procedentes da UE que nacen do marco do chequeo médico da PAC que finalmente tomou forma o 20 de abril do 2009, precisamente o mesmo día que tomou posesión o actual Conselleiro de Medio Rural polo que a deixadez recae sobre a Xunta bipartita pois foi precisamente nese momento cando xe xestou a reforma da PAC da que estamos a falar”.
Segundo a deputada popular o Goberno galego ten aportado achegas para o sector lácteo no seu conxunto, independentemente das zonas, en distintos momentos como en concreto na citada orde de 22 de Febreiro no título II referido as axudas ao desenvolvemento rural para a utilización sustentable das terras. Álvarez Chao rematou a súa intervención cunha crítica as axudas cun orzamento de 40,2 millóns de euros para o sector lácteo “insuficientes pero que a flamante ministra socialista, a galega Elena Espinosa preferiu desviar cara a outros sectores como o ovino, os cereais ou as améndoas precisamente nun momento en que se está a vivir a maior crise do sector lácteo dos últimos 30 anos”.
“Sorprende que quenes estaban no goberno acusen agora a quen non ten máis potestade ca de desenrolar un Real Decreto do Ministerio e as mentiras acaban caendo polo seu propio peso” indicou a deputada popular referíndose ao manifestado pola deputada socialista.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
