Santiago de Compostela, 1 de Abril 2020. A portavoz nacional, Ana Pontón, mantivo un encontro telemático con representantes da Asociación de autónomos e pequenas empresas e coa Asociación de traballadores autónomos, principais entidades nas que se organizan as 210.000 persoas que integran este colectivo de traballadores e traballadoras en Galiza.
Un “piar” da economía galega que non se pode “deixar caer” nesta crise, indicou a líder nacionalista, quen considera insuficientes as medidas adoptadas polo Goberno central e pola Xunta, medidas que o BNG apoia pese a que teñen un alcance “limitado”, e por iso pon sobre a mes unha batería de propostas adicionais a favor deste colectivo.
Entre as medidas urxentes que formula o Bloque: eliminar a cota de autónomos durante un período inicial de 3 meses, -“a ingresos cero, cotizacións cero”-, recalca Pontón. Unha axuda directa de 2.000 € por parte do Executivo galego para os casos nos que as persoas autónomas se viran obrigadas a pechar ou reduciran de xeito importante os seus ingresos, axudas que deben ser compatibles coas do Estado.
Igualmente, o BNG propón eliminar o pago do alugueiro ou das cotas da hipoteca durante o período non traballado e aplicar unha quita do 50% nos tres meses seguintes á reapertura da actividade. Estas axudas deben ser extensibles @s autónom@s colaborades. Fundamental tamén reducir burocracia para axilizar a tramitación de axudas e liñas de crédito aprobadas e garantir con medidas de control que a liquidez inxectada á banca chega tanto a este colectivo como as pequenas e medianas empresas.
E, en materia fiscal, a formación nacionalista propón atrasar os pagos de Facenda para non ter que realizar agora nin a declaración trimestral do IVE ni do Imposto de Sociedades. “Estas son as propostas do BNG e seguiremos traballando para que Xunta e Goberno central sexan conscientes de que é necesario un maior apoio para manter un piar fundamental na nosa economía”, recalcou Pontón.
En aras de facilitar a chegada de axudas públicas, o BNG pide que podan ser solicitadas por todos os e as autónomas que sofran unha caída do 50% na súa facturación mensual, agora é do 75%, cando en países como Dinamarca é do 30%. Tamén advirte que a subvención media de 660€ é insuficiente en moitos casos mesmo para cubrir gastos básicos de alugueiro, hipotecas ou facturas de servizos, “polo que á maioría non lle quedará nada que levar a súa casa”.
Devolución do rescate bancario si, baixar pensións, non
En todo caso, e ante as voces que xa piden baixar as pensións e subir impostos, Pontón considera que de ningunha maneira se pode volver cargar o custe da crise sobre as familias e as clases traballadoras. Neste sentido, puxo outras opcións no taboleiro, “empezado por reclamar a devolución dos 60.000 M€ do rescate á banca, que daría para moito; aplicar unha fiscalidade máis xusta e distributiva ás grandes empresas e patrimonios e, desde logo, deixando atrás dogmas liberais para que os Estados e as administracións públicas poidan obter recursos recorrendo ao endebedamento se fose necesario para saír desta crise que vai ter graves consecuencias económicas”.
Falta anticipación e eficacia
A portavoz nacional aproveitou a comparecencia para insistir na urxencia de tomar medidas de calado ante a situación crítica das residencias da terceira idade, reclamando ao Goberno de Feixóo “anticipación é eficacia en lugar de ir un paso por detrás”. “O 22,2% das persoas falecidas por coronavirus en Galiza foron por contaxios en residencias de maiores, isto sinala até que punto falta previsión e anticipación da Xunta”.
Unha situación que “estalou” na residencia de Celanova e que ten novos focos importantes en Vigo e Cangas. Na comparecencia prevista no Parlamento, o BNG espera que o Executivo galego explique que motivou a decisión de trasladar e concentrar ás persoas maiores afectadas en dous centros: un en Baños de Molgas e outro en Santiago de Compostela.
“E que responda a outras moitas preguntas que merecen ser contestadas en sede parlamentaria: cantas persoas maiores foron trasladadas, como se garante que non se van producir contaxios nos traslados, con que persoal sanitario están a ser atendidas neses centros ou como se van atender os dereitos das familias que non están recibindo información”, interpelou Pontón.
Intervir o 100% das residencias privadas
O BNG demanda celeridade e eficacia neste asunto e volve insistir na adopción de medidas contundentes como a realización masiva de test entre residentes e persoal, envío do necesario material sanitario de protección, intervir todas as residencias privadas “para ter o control antes de que se produza a situación de emerxencia con contaxios masivos, hai que anticiparse”, alega a líder nacionalista.
Pontón tamén insta a Feixóo a evitar unha situación de emerxencia similar á das residencias nos centros que atenden a persoas con discapacidade: “hai positivos en Sarria, Redondela e na Coruña”, alerta. “A cidadanía agarda un Goberno que se anticipe, non que improvise nin vaia por detrás dos problemas sobre todo cando falamos de colectivos tan vulnerábeis como persoas maiores ou con discapacidades”, insistiu.
Para o BNG, unha das ensinanzas desta crise “é que non se pode facer da saúde un negocio e que hai que preservar unha sanidade e un sistema de servizos sociais públicos fortes e libres de recortes, porque diso depende a saúde das persoas”, concluío.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
