Santiago de Compostela, 6 de abril, 2020. A portavoz nacional do BNG, e Ana Pontón, pide que compareza Núñez Feixóo no Parlamento galego e explique a situación “real” das residencias de maiores afectadas gravemente polo Covid-19.
Na súa comparecencia ante os medios de comunicación, a nacionalista insistiu na urxencia de realizar “con axilidade test masivos en todas as residencias”, intervir as residencias, mentres dure a alarma sanitaria, informar ás familias e transparencia nos datos sobre contaxios e falecementos nas residencias.
Para a portavoz do BNG, os continuos contaxios detectados nas residencias galegas constatan que “a Xunta non se anticipou, nin preveu as consecuencias”. O propio vicepresidente, Alfonso Rueda, na súa comparecencia parlamentaria, recoñeceu que a “Xunta non tomou as medidas necesarias para minimizar o grave problema” e a día de hoxe hai 900 persoas contaxiadas e 65 falecidos, segundo a información oficial, isto quere dicir, explicou Pontón, que o 15% das persoas contaxiadas en Galiza foi en residencias e sabemos que estamos ante a punta do iceberg, pois en canto se fagan máis test, detectaranse máis casos.
O goberno galego maquilla as cifras de persoas falecidas nas residencias
“Lamentablemente o goberno chega tarde”. De terse anticipado -como lle propuxemos desde o BNG fai máis dunha semana- teríase evitado moitos contaxios, tanto de residentes como de traballadoras e traballadores. De ter intervido todas as residencias, dotalas de equipos de protección e protocolos claros desde o inicio desta crise a situación tería sido ben diferente, afirmou Pontón.
Ademais, a portavoz nacionalista amosou a súa preocupación ante “a ocultación” do Goberno galego sobre os datos reais e lembrou e o 1 de abril foi ditada unha medida para non especificar o número de falecidos que proceden de residencias de maiores, feito que a asociación de familiares ven de denunciar e cualificar de “operación de maquillaxe indigna para que non se saiban as vítimas reais en residencias”. Non son palabras miñas, recalcou Pontón, “son palabras da propia asociación de familiares que mostran a súa dor”.
Nós pedímoslle a Feijóo transparencia absoluta e que se poña á fronte deste problema, porque até o de agora, “as medidas que se tomaron foron erráticas, insuficientes e tardías”, reiterou a portavoz nacional do BNG.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
