Madrid, 9 de abril de 2020. O Boletín Oficial do Estado publicou hoxe a Orde ministerial de Facenda pola que se reducen os Índices de Rendemento Neto aplicables en 2019 no sistema de estimación obxectiva do IRPF (ou de módulos), que beneficia a agricultores e gandeiros afectadas por diversas circunstancias excepcionais.
Esta orde recolle a proposta do Ministerio de Agricultura, Pesca e Alimentación (MAPA) de minoración dos devanditos índices. Para aplicar a rebaixa, tivéronse en conta danos climáticos e outro tipo de adversidades, como os derivados de problemas de mercado.
En Galicia as reducións establecidas a escala nacional afectan a un amplo sector gandeiro e a producións notables dentro do seu ámbito territorial.
Beneficia, a nivel autonómico, a agricultores dedicados a cultivos como cereais, cítricos, froiteiros, leguminosas, oleaginosas e oliveirais, así como aos produtores de gandería extensiva, vacún de leite e apicultura.
No ámbito provincial e municipal destaca a rebaixa nos módulos para os produtores da castaña, de pataca e de forraxes.
O Ministerio de Agricultura, Pesca e Alimentación (MAPA) calcula que a aplicación desta norma no sector agrario supón unha rebaixa da base impoñible da orde de 614 millóns de euros no conxunto do sector agrario español, a maior cifra do último quinquenio e practicamente o triplo do ano anterior.
Na Comunidade Autónoma de Galicia, o conxunto de todas as reducións pode supoñer unha minoración da base impoñible duns 7 millóns de euros.
Tamén se aplican á campaña de módulos 2019 reducións para os agricultores que utilicen electricidade para a rega, en aplicación dun coeficiente corrector que se introduciu en 2014 e que poderán seguir aplicando os agricultores que utilicen electricidade para a rega sobre o rendemento neto dos cultivos regados, e que supoñerá unha redución dun 20 % do mesmo.
Tamén se mantén a redución do 5 % do rendemento neto calculado polo método de estimación obxectiva para 2019. Trátase dunha medida de carácter horizontal que afecta á totalidade dos agricultores e gandeiros que tributen en estimación obxectiva.
SECTORES BENEFICIADOS EN GALICIA
Os sectores beneficiados con esta medida son:
Sectores agrícolas:
– Cereais de 0,26 a 0,18
– Cítricos de 0,26 a 0,18
– Froiteiros non cítricos de 0,37 a 0,30
– Leguminosas de 0,26 a 0,18
– Oleaginosas de 0,32 a 0,22
– Oliveiral de 0,26 a 0,13
Sectores gandeiros:
– Bovino de leite de 0,20 a 0,18
– Bovino de cría extensivo de 0,26 a 0,18
– Bovino de carne extensivo de 0,13 a 0,09
– Ovino de carne extensivo de 0,13 a 0,09
– Ovino de leite de 0,26 a 0,18
– Caprino de carne extensivo de 0,13 a 0,09
– Caprino de leite de 0,26 a 0,18
– Porcino de carne extensivo de 0,13 a 0,09
– Porcino de cría extensivo de 0,26 a 0,18
– Apicultura de 0,26 a 0,13
Outras minoracións que afectan a todo un ámbito provincial en Galicia son:
En Ourense:
– Castaña de 0,26 a 0,13
Ademais, efectuáronse importantes reducións a nivel municipal:
– Pataca de 0,26 a 0,18 en 33 municipios, incluíndo aos da comarca da Costa en Lugo
– Forraxes de 0,37 a 0,26 en 8 municipios de Lugo
– Castaña de 0,26 a 0,18 en 38 municipios incluíndo a comarca da Montaña en Lugo
O BOE publica hoxe a orde de redución de módulos do IRPF no sector agrario, aplicable á declaración da renda de 2019. En Galicia as reducións afectan a un amplo sector gandeiro e a producións notables dentro do seu ámbito territorial
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
