Compostela, 15 de abril do 2020. O portavoz de Galicia en Común- Anova Mareas, Antón Gómez Reino, insistiu onte en esixir á Xunta que interveña e medicalice de inmediato todas as residencias de maiores de Galicia, fronte a gravidade da situación que padecen e o risco certo para a saúde de usuarios e traballadores. “Se a Xunta non as intervén xa estará a poñer en perigo as súas vidas”, dixo.
Gómez Reino lembrou que o 40% das persoas falecidas en Galicia por Covid-19 eran usuarios desas residencias, e alertou de que familiares e traballadores levan semanas denunciando as enormes carencias de persoal, medios sanitarios e equipos de protección que impiden na práctica que se cumpran as normas máis elementais de seguridade contra a expansión da epidemia.
Gómez Reino subliñou que a coalición “ten constancia” de que varios familiares de persoas falecidas nas residencias optaron por presentar demandas na Fiscalía do Estado reclamando que se investigue a responsabilidade da Xunta nesas mortes, “pola súa inacción” e pola falta de medios e de persoal nos centros privatizados.
Pola súa banda, Martiño Noriega destacou que Galicia en Común- Anova Mareas propuxo a Feijóo que interviñese as residencias en canto se declarou a alerta sanitaria. “Sabiamos que se atopaban nunha situación de extrema fraxilidade despois de once anos de recortes e privatizacións, dixo.
“Os Gobernos de Feijóo permitiron e fomentaron durante anos que se fixese negocio coa saúde e o benestar dos nosos maiores, e agora é un imperativo que a Xunta asuma a súa responsabilidade e exerza todas as súas competencias facéndose cargo da súa xestión e garantindo que os usuarios reciben os coidados e protección que precisan”, engadiu Noriega.
Pola súa banda, Eva Solla cualificou de “auténtico desastre” a xestión da crise por parte da Xunta nos centros de maiores e persoas dependentes. “Advertimos desde o inicio que non había equipos de protección suficientes nas residencias públicas dependentes da Consellería de Políticas Sociais”, destacou.
“Non nos fixeron caso e apareceron positivos neses centros”, dixo. “Pero ademais destaca, por nefasta, a xestión nos centros concertados, fundamentalmente os da empresa DomusVi. Tanto persoal como residentes seguen a contaxiarse porque seguen sen medios e nin sequera contan con servizos de limpeza axeitados”, denunciou.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
