NOTA DE PRENSA:
Enorme contraste entre o interese dos expertos pola loita contra as drogas e a pasividade da administración socialista incapaz de garantir a operatividade dun servizo esencial no combate ao narcotráfico
MENTRES LUGO CELEBRA O CUMIO SOBRE DROGAS O GOBERNO CENTRAL MANTÉN DESPROTEXIDA A COSTA LUCENSE POLAS CONTINUAS AVARÍAS DA LANCHA DE VIXILANCIA
ADUANEIRA DE RIBADEO
* Os populares rexistran unha iniciativa urxente no Parlamento de Galicia e nos concellos instando ao Executivo socialista a substituír de xeito inmediato a lancha Alcavarán II, con máis de 25 anos de antigüidade
Santiago, 21 de abril de 2010.- O deputado popular, Jose Manuel Balseiro Orol, puxo de relevo o enorme contraste existente entre o interese dos expertos pola loita contra as drogas e a pasividade e desidia da administración socialista que é incapaz de garantir a operatividade do Servizo de Vixilancia Aduaneira, un organismo esencial no combate contra o narcotráfico e outras redes organizadas.
O parlamentario popular explicou que mentres que na cidade de Lugo se celebra o cumio sobre drogas o Goberno central mantén desprotexida a costa lucense, como consecuencia das continuas avarías que inutilizan a lancha de vixilancia aduaneira con base no porto de Ribadeo e con ámbito de actividade no conxunto do litoral lucense. A pasividade da administración socialista leva incluso a que, segundo denuncian os propios traballadores, é maior o tempo durante o cal esta lancha estivo inoperativa que o tempo durante o que puido patrullar polo litoral.
Cómpre salientar que non é a primeira vez que ao longo dun amplo espazo de tempo o litoral norte lucense estivo sen vixilancia marítima contra o narcotráfico e outras actividades delictivas. Xa en abril de 2009, o Partido Popular facéndose eco de varias informacións xornalísticas e das denuncias dos propios traballadores do servizo, alertou das prolongadas avarías desta embarcación. Incluso o Parlamento de Galicia con data 4 de xuño de 2009, acordou reclamar ao Goberno central a que procedera a desenvolver as xestións oportunas para reforzar os medios persoais e materiais do Servizo de Vixilancia Aduaneira e, nomeadamente, do que ten a súa base no porto de Ribadeo, mandato que se está a incumprir reiteradamente.
OFENSIVA POPULAR
Balseiro Orol adiantou que na súa condición de deputado popular rexistrará unha iniciativa urxente no Parlamento de Galicia, así como promoverá accións similares nos concellos e nas Cortes Xerais, instando ao Executivo socialista a substituír de xeito inmediato a lancha Alcavarán II, que xa acumula máis de 25 anos de antigüidade. Precisamente a obsolescencia desta embarcación obriga a que se teñan que efectuar continuas tarefas de mantemento e, que sexan necesarias continuas reparacións que, á luz dos datos coñecidos, non están a ser realizadas en tempo e forma.
O Servizo de Vixilancia Aduaneira depende organicamente do Departamento de Aduanas e Impostos Especiais da Axencia Tributaria (AEAT) e, polo tanto, forma parte do conglomerado do Ministerio de Economía e Facenda. As súas operacións e investigacións están encamiñadas á represión dos delictos e infraccións tipificados na Lei Orgánica de Represión do Contrabando, en todo o territorio español, no seu espazo aéreo, e nas súas augas xurisdiccionais.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
