Lugo, a 27 de abril de 2020. A presidenta provincial, Elena Candia, acompañada do deputado no Congreso, Jaime De Olano, o senador, José Manuel Barreiro, e os alcaldes de Xove e Cervo, Demetrio Salgueiro e Alfonso Villares, trasladou este luns o apoio do Partido Popular ás demandas do comité de empresa e que xorden logo do anuncio realizado pola multinacional e que inclué a parálise das cubas que xa están a piques de rematar a súa vida útil, sen que se lles realice a rebrascaxe para o seu posterior arranque. Esta medida implica unha redución considerable na produción e, por tanto, supón un aumento no risco de peche da planta de San Cibrao.
Dada a gravidade da situación, a dirixente dos populares lucenses manifesta que esta reunión de traballo telemática dá continuidade á rolda de contactos iniciados a través desta vía a pasada semana e que tivo por obxectivo “poñernos novamente á súa disposición e para interesarnos pola situación exacta da empresa”. Neste senso, dende o PP “voltamos a pedir alto e claro que o Goberno ten que actuar para darlle unha solución e, como primeira medida, pedimos que convoque xa a mesa de enerxía”, apunta a presidenta do PP, quen tamén lles adiantou que apoian a demanda de que a empresa paralice a medida de pechar as cubas, así como a petición dunha reunión conxunta coa Xunta de Galicia “para artellar unha estratexia que axude ao mantemento da produción e dos empregos existentes”.
Preocupación constante
A presidenta provincial, xunto aos deputados nacionais, Jaime De Olano e Joaquín García Díez, xa expresou en días pasados a súa preocupación pola crítica situación de Alcoa que se agrava aínda máis coa crise do coronavirus que derivou na indicada redución da demanda de aluminio e coa falta de aprobación dun estatuto electrointensivo que estableza unhas condicións de produción que garanta a viabilidade da planta mariñá.
A este respecto, dende o PP denuncian que o Goberno leva practicamente dous anos “dándolle esquinazo” á única planta de aluminio primario de España da que dependen 5.000 familias da comarca mariñá; motivo polo cal tamén trasladarán as demandas do comité no vindeiro Pleno da Deputación, a través dunha iniciativa que defenderá o Grupo Provincial Popular.
“Nestes momentos en que estamos nunha crise económica e de emprego moi importante por mor da situación sanitaria do país, faise máis necesario ca nunca darlle solución á maior industria da provincia, xeradora de miles de postos de traballo directos e indirectos”, conclúe a dirixente popular.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
