Burela, 28 de abril de 2020. O delegado territorial da Xunta en Lugo, José Manuel Balseiro, mantivo hoxe un encontro por videoconferencia con Miguel Neira, da sociedade de armadores de Burela, ABSA, e con Sergio López, xerente da Organización de Produtores Pesqueiros de Lugo.
A xuntanza, enmarcada na rolda de contactos con representantes do tecido empresarial, e social da provincia, terá continuidade nos vindeiros días con outras sociedades de armadores e confrarías, e serve para resolver dúbidas e darlles conta dos distintos apoios que a Xunta promove para o sector do mar como consecuencia da crise sanitaria por coronavirus.
Un dos aspectos que máis preocupa á flota é a xestión da incidencia do covid-19 e, nese senso, Balseiro explicou que a Xunta vén de demandar ao Goberno central a habilitación dun protocolo de actuación específico para os casos de posibles enfermos por coronavirus a bordo dos buques, unha petición que o propio sector demandou como prioritaria.
A experiencia acontecida no buque Carla, de bandeira francesa pero atracado no porto de Burela, esixe revisar o procedemento a seguir nestes casos para evitar que derive nunha atención ineficiente ou en esperas prolongadas nos peiraos por dilacións ou por adiantos nas comunicacións de chegada aos portos das embarcacións afectadas.
A Xunta está disposta a colaborar co Instituto Social da Mariña (ISM), que é o competente na materia, para axilizar calquera trámite neste sentido e poder contar cun protocolo o antes posible dado que así o solicita o propio sector afectado, con milleiros de profesionais que desenvolven o seu labor a bordo de buques pesqueiros.
Balseiro insiste na necesidade de que a frota e as propias administracións poidan ter claras as pautas de comportamento durante a estancia do buque no mar, no momento do traslado a terra dos tripulantes e tamén nos períodos previos ao embarque.
Liñas de financiamento sen xuros
O encontro tamén serviu para trasladar datos sobre a liñas de préstamos e apoios á industria marítimo-pesqueira, postas en marcha pola Xunta a través do IGAPE. Son créditos para garantir a viabilidade das empresas deste sector, ou as necesidades puntuais de liquidez nas que se poidan incorrer.
O prazo de amortización desta liña de préstamos pode ser de ata 4 anos, con un de carencia, e o crédito solicitado pode chegar ata os 200.000 euros. Un dos aspectos que maior vantaxe ofrece respecto doutras liñas de apoio é que os tipos de interese quedan ao 0% xa que os asume a Xunta.
Taxas portuarias
Outra das medidas de apoio tratadas son a flexibilización do pago das taxas nos peiraos autonómicos. Portos de Galicia adía a emisión de novas facturas ata dous meses despois de que remate o estado de alarma.
A Xunta adopta esta medida co obxectivo de aliviar posibles tensións de tesourería ás entidades e empresas usuarias dos portos e favorecer que teñan liquidez para manter a actividade unha vez superada esta situación.
Obras en marcha
Finalmente o encontro serviu para pasar revista á situación das obras que a Consellería do Mar promove no porto de Burela, que suman un global de 1,3 millón de euros. Está en marcha a construción do novo martelo, que recuperou o ritmo de traballos habitual e continúa o proceso de contratación da obra de remodelación integral da antiga nave de redes.
Ambos casos son actuacións moi demandas polo sector pesqueiro, a primeira delas para mellorar as condicións de abrigo e operatividade do porto e, no relativo á nave de redes, para contar cunhas instalacións máis modernas e eficaces de cara ao seu uso polos profesionais do sector pesqueiro local.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
