Viveiro, 11 de maio, 2020. Desde SON Viveiro-SON en Común, queremos facer unha pequena reflexión sobre a circulación viaria na nosa cidade nestes tempos de coronavirus.
A seguridade viaria é un conxunto de accións que garanten o bo funcionamento da circulación do tránsito peonil, de condutores e de pasaxeiras/os, co fin de que se utilicen correctamente os espazos de tránsito. É fundamental que coñezamos as nosas obrigas como camiñantes para preservar a nosa integridade física e a normativa existente ata a actualidade non poderá ser a mesma cá que se utilice a partir do luns 11 de maio, primeiro día do desconfinamento. Por conseguinte, non debe deixarse a responsabilidade de actuación en cada cidadán ou cidadá, senón que debe ser o propio concello o que tome as medidas que correspondan para regular o uso do tecido viario público, evitando aglomeracións de persoas e seguindo as recomendacións de distanciamento social decretadas polo goberno.
Para iso, na próxima reunión de portavoces, o noso grupo aportará unha serie de medidas para mellorar a circulación; na última xuntanza, o noso voceiro, Luis Manuel García, propuxo que o tránsito polas beirarrúas se realizase utilizando o sentido viario da man dereita, proposta que motivou a colocación dun cartel na ponte da Misericordia. Non obstante, cremos que a nosa suxestión debe facerse extensiva a todo o municipio, sinalizándoo convenientemente para que as e os viandantes teñan claro por onde deben desprazárense e garantir a separación de dous metros sinalada polo Real Decreto, facendo que as persoas comecemos a coller confianza e seguridade nas nosas saídas, contribuíndo deste xeito á reactivación económica.
Son Viveiro pide que se faga extensivo a todo o municipio a indicación instalada na ponte da Misericordia para que os peóns circulen pola beirarrúa da dereita
Relacionado
-
Os senadores do PP esixen ao Goberno central reforzar de inmediato o persoal de Correos na provincia
-
A Deputación alerta de que o Anteproxecto de Lei de Administración Local de Galicia debilita a concellos e deputacións en lugar de reforzalos
-
Os socialistas de Vilalba destacan “o compromiso da Deputación co concello, que contrasta co castigo da Xunta aos nosos veciños desde 2019”
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
