Lugo, 15 de maio de 2020. O PP fai un chamamento ao sentido da responsabilidade do presidente da Deputación, o socialista José Tomé, para que busque o consenso para deseñar un plan de intervención directa do organismo provincial para axudar á provincia a superar as consecuencias económicas da crise sanitaria. O viceportavoz popular Agustín Baamonde apela “ao sentido da responsabilidade do presidente da Deputación, para que esta institución asuma dunha vez o papel principal que lle corresponde neste delicado momento de transición entre a emerxencia sanitaria e a emerxencia económica”.
Baamonde destaca que para que a Deputación poida desempeñar o papel que lle corresponde na actual conxuntura son precisas dúas condicións. Por un lado, que Tomé “abandone a torre de marfil na que parece estar instalado e lidere verdadeiramente a institución que preside”. Ese liderado debe traducirse “nun plan específico para a provincia, pero un plan que mereza tal nome e non actuacións illadas como as que está a facer”.
Para deseñar un plan integral que resulte eficaz é necesario, asegura Agustín Baamonde, “buscar o consenso entre as distintas formacións políticas, algo que inexplicablemente non está a facer o presidente nunha situación como a que vivimos”. O mesmo representante do PP apunta certa confusión na actitude que mantén o socialista Tomé a este respecto: “Pide consenso, si, pero ten que entender, que consenso non significa submisión da outra parte, senón diálogo, acordo e vontade de colaboración, que é algo que nós ofrecemos dende o minuto cero desta crise”.
Baamonde di que para dialogar, debater e chegar a acordos hai canles establecidas, como son a xunta de portavoces e o pleno da corporación. “Nós pedimos reiteradamente ao presidente a convocatoria dunha reunión da xunta de portavoces, e reiteradamente foi desoída a nosa solicitude”. Recorda que tampouco foi convocada a sesión plenaria ordinaria correspondente ao pasado mes de abril. Así as cousas, “no PP vémonos na necesidade de solicitar un pleno extraordinario, que non sería preciso se as cousas se fixeran doutra maneira”.
Baamonde declarou: “Apelo ao sentido da responsabilidade do presidente da Deputación, que debe impoñer o convencemento da necesidade de participación de todas as forzas políticas para consensuar un plan integral para sacar adiante á provincia nunha situación tan complicada como a actual”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
