Burela, a 17 de maio de 2020.- O Grupo Municipal Popular de Burela mantivo unha reunión por videoconferencia coa presidenta do PP da provincia de Lugo, Elena Candia na que abordaron a actual situación política do municipio.
Os populares acordaron traballar dende diversos ámbitos co obxectivo de “ofrecer solucións a cuestións de vital importancia para Burela”. Así se manifesta o voceiro popular no municipio, Manuel Rouco, quen trasladou a Elena Candia a súa preocupación polas dificultades dos tecido socioeconómico da vila debido á realidade que deixa o Covid-19 e á falta de medidas por parte do goberno local. Neste senso, Rouco avanzou a celebración de encontros informativos con diversos colectivos da vila para escoitar as necesidades que non son cubertas dende o Concello e, polo tanto, darlles traslado ante o goberno burelés.
Reactivación económica
Rouco puxo en valor as distintas iniciativas de apoio ao tecido empresarial e comercial que ten impulsado a Xunta de Galicia de cara á súa reactivación “en tempo e forma”. Pola contra, o goberno burelés do PSOE anunciaba mes e medio despois de que o Grupo Municipal Popular rexistrara unha proposta de medidas concretas “e de calado” en beneficio do tecido socioeconómico “sen explicar a procedencia dos cartos que o alcalde di que dirixirá o Concello a este fin”.
Instrumentos para atender as demandas de liquidez
A presidenta do Partido Popular da provincia, Elena Candia, recordou, pola súa banda, que o Goberno galego ten instrumentos para atender as demandas de liquidez tanto para os traballadores afectados por un expediente de regulación temporal de emprego, como para os traballadores autónomos e a pequenas e medianas empresas que son, precisamente, as que constitúen a maioría do tecido empresarial de Burela. A este respecto, citou como exemplos a liña de préstamos bonificando o 100% dos intereses, o aprazamento das cotas de amortización e intereses dos préstamos formalizados co Igape ou a guía informativa sobre medidas preventivas recomendadas fronte ao coronavirus.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
