Viveiro, 1 de xuño de 2020. Na orde do día do pleno ordinario que terá lugar mañá, 2 de xuño, inclúese a aprobación dos orzamentos municipais; uns orzamentos que este concello pretendía presentar en marzo, non sendo posible como consecuencia da declaración do estado de alarma.
Os orzamentos municipais para o exercicio 2020 siguen a liña dos presupostos anteriores, mantendo os apoios aos ámbitos social, cultural, deportivo e turístico, ao tempo que se manteñen os servizos municipais e se establecen as bases para continuar reducindo a débeda bancaria. O volume xeral do presuposto, que ascende a 14.190.496,60 €, pouco difire con respecto ao de anos anteriores, aínda que os seus importes están redistribuídos de diferente maneira.
Trátase duns orzamentos claramente marcados pola situación actual, nos que a crise sanitaria e económica provocada polo COVID19 resultan determinantes. A crise económica provocada por esta pandemia afecta ao conxunto do tecido empresarial, pero sobre todo ao comercio e á hostalería, relacionados tamén co sector turismo. Nun concello como o de Viveiro, no que o 50% do emprego pertence ao sector servicios, esta situación obriga a adoptar medidas extraordinarias en beneficio da economía do municipio.
Neste sentido cabe destacar, en primeiro lugar, o Plan de Reactivación Económica posto en marcha por este concello, no que se inclúe unha liña de axudas por importe de 400.000 € dirixidas aos titulares de actividades que tiveron que manterse pechadas durante o estado de alarma. Tamén inclúen unha axuda directa por importe de 15.000 € ás dúas asociacións de comerciantes do municipio para a realización de campañas dirixidas á activación do comercio; o concello tamén realizará campañar para reactivar o comercio, englobando tanto a comercios como a hosteleiros non pertencentes a estas asociacións, por un importe similar.
Este orzamento inclúe, tamén, as cantidades necesarias para os dous convenios que se están a xestionar a tres bandas, entre a Xunta de Galicia, a Deputación Provincial de Lugo e este concello. Un deses convenios é para o traslado da Escola Oficial de Idiomas, que permitirá que Aspanane destine as instalacións actuais da EOI para a construcción dunha residencia, cun importe de 30.000 €. Para as actuacións en relación coa riada de Xunqueira, destínase un total de 31.000 euros.
Vai incluído o Plan Único da Deputación de Lugo, que este ano, atendendo á situación actual, permite que se destine a cantidade necesaria ás actuacións en relación co COVID19. Dentro do Plan Único, o Concello de Viveiro vai incluir 180.000 € para o Servizo de Axuda no Fogar, tanto de libre concorrencia como de dependencia; 17.233 € para a contratación de un administrativo/a a través do Depuemprego; 80.000 € para reforzos e horas extraordinarias motivadas polo COVID19; 30.000 € para incrementar a partida de Axudas por Emerxencia Social; 40.000 € para EPIS, mascarillas, mamparas…; 19.000 € para obras de accesibilidade de beirarrúas en varios puntos do municipio; e 111.000 € para as axudas do Plan de Reactivación Económica (do seu importe total, 400.000 €, a cantidade de 111.000 € procede do Plan Único).
O orzamento 2020 inclúe subvencións nominativas a clubes e asociacións, aínda que foi necesario realizar un reaxuste nas súas cantidades. Sabemos que como consecuencia da situación quedaron suspendidos moitos eventos deportivos e culturais, descoñecendo cántos máis se verán afectados nos vindeiros meses; parte deses importes destináronse ás axudas referidas. Con todo, polo que respecta a subvencións nominativas, ademais das referidas ás asociación de comerciantes, destínanse 28.000 € ao ámbito cultural e 55.600 € ao deportivo. Ademais, inclúese unha subvención directa por importe de 15.000 € á Asociación de Familiares de Enfermos de Alzheimer.
Estamos ante un presuposto axustado no que se estableceron unha serie de medidas extraordinarias, que fixo necesario cadrar e reaxustar outras partidas, tendo en conta, asemade, que o concello verá reducidos os seus ingresos como consecuencia das taxas que se deixarán de percibir naqueles servizos non prestados como consecuencia do estado de alarma, como a piscina, a gardería ou o conservatorio, ou outras taxas, como as derivadas das ordenanzas fiscais núm. 13 (de ocupación da vía publica para instalación de terrazas) e a 6 (pola licenza de actividade de terrazas), que tampouco se cobrarán; de feito, este é outro dos asuntos incluídos na orde do día do pleno de mañá. Da mesma maneira, o concello está vendo como se vai regularizar no segundo trimestre do ano as taxas polo servizo de recollida de lixo e de auga potable naqueles establecementos que se viron obrigados a pechar.
En definitiva, nestes orzamentos tratouse de compaxinar o funcionamento normal do concello coas necesidades derivadas desta situación extraordinaria motivada pola pandemia do COVID19.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
