Viveiro, 17 xuño de 2020. A de Covas chegou a ser unha referencia en materia de praias en todo o Cantábrico. Hoxe está en situación de total abandono, debido á absoluta falta de interese do goberno municipal de Viveiro, presidido pola socialista María Loureiro, a pesar da importancia do turismo na economía de Viveiro. O PP esixe aos responsables municipais que adopten as medidas necesarias para que a praia recupere as condicións que non debeu perder nunca. Recordan que legalmente “é competencia municipal manter as praias e lugares públicos de baño nas debidas condicións de limpeza, hixiene e salubridade”.
No caso da praia de Covas, di o portavoz popular, Óscar Rodríguez, ben se pode dicir o de “quen te viu e quen te ve”, porque, neste caso, faise certo que calquera tempo pasado foi mellor. Para unha cidade, dispoñer dunha praia urbana é, ou debera ser, en calquera caso unha oportunidade e non un problema. “O estado de abandono no que se atopa a praia de Covas pon de manifesto que para o goberno municipal de Viveiro, a praia de Covas é un problema”, destaca o portavoz municipal.
Rodríguez declara: “Desde o PP instamos á alcaldesa, María Loureiro, a adoptar as decisións necesarias para levar a cabo iniciativas, pola súa conta, no que está ao alcance do Concello, ou en colaboración con outras administracións, para que Covas volva ser un lugar atractivo para o tempo de ocio na praia, tanto para os propios veciños de Viveiro como para os que nos visitan”. O mesmo representante popular di: “Temos claro que unha das fortalezas de Viveiro desde o punto de vista económico ten que ser o turismo, e manter no estado no que se atopa a praia de Covas non é a mellor maneira de atraer visitantes”.
Óscar Rodríguez recorda que, en xullo do 2019, o PP defendeu unha moción no pleno para mellorar o estado da praia de Covas. Nesa iniciativa instábase ao Concello de Viveiro a garantir a limpeza e o acondicionamento axeitado da praia, de tal modo que o areal se puidera utilizar en condicións de seguridade e salubridade. Esta proposta respondía á petición de numerosos veciños e veciñas, así como de visitantes que lamentaban a situación e a imaxe que presentaba xa entón o areal máis grande que ten Viveiro, cuxas características xunto ao seu ecosistema de dunas “a converten nun emblema para a cidade”. Hoxe, ao igual que hai un ano, o grupo municipal do PP lamenta que a praia de Covas estea chea de vexetación que medra de xeito incontrolado e inutiliza o areal nunha gran parte. Ademais, hai gran cantidade de lixo. O goberno municipal rexeitou hai un ano a proposta do PP.
Óscar Rodríguez di: “Agora, case comezando a tempada de verán, esiximos de novo ao goberno municipal que interveña e se deixe de botar culpas a outras administracións. E queremos lembrarlle á alcaldesa que a Xunta investiu en dous anos en Viveiro máis que todas as demais administracións en conxunto”.
Os populares recordan que o artigo 115 da Lei 22/1988 de 28 de xullo de Costas establece “que é competencia municipal manter as praias e lugares públicos de baño nas debidas condicións de limpeza, hixiene e salubridade…”. Destacan tamén que a de Covas non está afectada pola Rede Natura, nin por outra declaración que impida a limpeza e a eliminación das herbas.
Óscar Rodríguez resalta que a preocupación dos veciños de Viveiro polo estado da praia de Covas queda de manifesto nas iniciativas particulares para limpar algunhas zonas e de comerciantes que intentan estimular accións deste tipo.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
